| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2009 年 4 月 12 日 星期日  |
| 2009-04-12 |
分類: 未分類 |
今日翻工,夜晚又要翻學校開會..本來我想提早cut.鍾赱人,但係佢哋唔肯放人..以前嘅我肯定髮曬脾氣,但今日,我知道我已經冇呢個資格..
點解..點解會變成咁?!今日聽到嘉欣講咗句..好想快d.落班..我都feel.到,而傢氣氛好差..平時我哋會一日講唔停,而傢變咗零交流..
感覺而傢個個都好不滿..員工有員工嘅不滿,管理組有管理組嘅不滿,但源頭係乜,我唔知..我靜係知而傢翻到去有種行屍走肉嘅感覺..
以前我唔開心,我會想翻工..特別係同輕工幫一齊上夜班嘅日子,眞係可以令我覺得開心好多..但而傢我唔開心,我已經唔知我可以做咩..
夜晚落班..我眞係好想死!!點解又再犯低級錯誤?!第二次啦!!做咗咁耐,而且之前已經試過,點解而傢仲可以有第二次?!我眞係好冇用..
雖然冇食warning letter,但係嗰個moment,諗起今日所經歷嘅事,所聽到嘅話,所見到嘅嘢,我眞係有辭職嘅唸頭..眞係越做越冇意思..
淪陷了..眞係淪陷了..冇咗輕工幫眞係潰不成軍..
今晚冇翻到去開會,冇提前請假,比主任記咗名..唯一一個兩日都冇出現嘅人,唯一一個咁冇紀律嘅人..不過我而傢,眞係覺得乜嘢都冇所謂..
然而,唯一令我慶倖..我仲有一班朋友同埋有伱會體諒我..我本來好想亂髮脾氣,不過對住伱,伱難得咁溫柔,我又邊捨得..
|
| 2009 年 4 月 11 日 星期六 |
| 2009-04-12 |
分類: 未分類 |
今日同丁滿去咗想去好耐好耐,小學去過到而傢嘅動物公園..繼續貫徹我嘅遲到精神..27分鍾..
動物公園好大好大,行到我好攰..唔記得睇孔雀,貓同大象就赱咗出嚟啦..仲有海洋館都冇入,原來裏麵有免費開放嘅嘢..嘥曬..
d.動物好懶呀~而且全部都好似好老咁,個樣又好辛苦喎~再唔係就好可憐..冇自由眞係慘..
最好睇始終都係獅子,老虎,豹..仲要撞啱有人喂佢哋,佢哋超級興奮同狼死咯~見到佢哋食嘢眞係覺得好恐怖..
第一次見到眞嘅鬆鼠,都唔得意嘅..卡通美化曬佢哋..死啦~唔知眞嘅企鹅係唔係都會令我失望呢?!仲有樹熊..都係唔見好過見啦..
雀好睇呀..哈哈哈..好多都好靚或者好特別咯~蝴蝶係最無聊,而且入到去就想打乞癡..熊都唔得意嘅..不過馬嘅眼好搞笑..
有個女仔話同佢男朋友赱散咗,叫我哋幫佢聯絡佢男朋友..幫佢打咗電話咯~之后佢話冇錢,比兩粒糖我哋,冇要到,赱咗..
之后約咗嘉欣同可瑜hi-tea..遲到45分鍾..其實可以早d.泇!!不過我貪心咯~諗住去試戴隱形眼鏡,影相可以靚d..點知佢冇曬貨..頂!!
我哋三個女人傾傾傾..眞係超級無敵多口水,講極都講唔完..大傢樂嘅燒春雞好正aaa..不過有少少.偏鹹..少少遮..
點解我哋三個會咁啱最嘴泇?!傾咗兩個幾鍾都仲係覺得好多嘢未講完咁..講嘢講到臨赱先匆忙攝幾張相..不過我技術好就冇問題啦..
相約下個星期再聚..諗住搵多個人出嚟,點知諗唔到搵邊個好..唔知老霍賞面否..但又怕悶親佢..佢本來又寡言喎~又怕悶親我哋..
then..之后陪老陳剪髮..遲到20分鍾吧..我嘅遲到精神係貫徹到底的..哈哈哈..
去咗angel.搵亞nick..最怕最怕就係陪人剪髮,會悶死我..又冇乜八卦雜誌,最新嘅都係more..冇乜興趣..就狂玩佢部電腦嘅連連看..
老陳好勇敢同好相信亞nick.咁剪咗個短髮..開頭睇覺得一般,點知影相嗰陣睇清楚,都幾好睇..起碼好睇過以前..哈哈..我都想染髮!!
然后陪佢去jusco..狂掃貨..夜晚嘅jusco.眞係幾抵..不過就多人到傻,睇見就怕..我諗起嗰日會員日我幫老霍買嘢就后悔死我!!
最后陪佢去kfc.買咗d.嘢食..就完成任務..今日攰到傻咗,見215冇位坐都懶得上..等咗4部終于上到..
喺巴士度見到方冬妮..今晚睇佢又幾似花若褒喎~哈哈哈..我竟然已經連張傑華到底係唔係我初中同學都唔記得..老啦老啦..
敏琪未比到相我..我部9010又冇電,攞唔到相出嚟..好多相未搞..今日跌一跌部9010,本來我冇乜嘢,后來見到佢花咗就好肉赤..
叫豬頭幫我閤成咗今日嘅幾張相要嚟做blog.揹景..跟住叫烤魚幫我閤成咗另外一張相,不過都唔襯嘅..哎~整定嘅.. |
| 2009 年 4 月 10 日 星期五 |
| 2009-04-10 |
分類: 未分類 |
今日係crew party.嘅大日子!!頂~欠炳同我講8點~8點3翻到去,我諗住8點半就上車啦..我25分先落車,趕到我呀..點知係9點先開車..
比想象中少人,都坐唔滿部車..不過都應該有50人掛..今次同嘉欣坐喎~附近當然就係輕工幫..敏琪同亞簡都有嚟呀..哈~
撘車嗰陣其實幾冇癮..因為老細喺度講埋曬d.掃興嘅嘢..去玩之前點解要講d.咁嚴肅嘅話題,搞到大傢冇曬mood.呢?!
之后玩無聊遊戲,講無聊話題..我就同嘉欣密斟密斟..不過亞布爆咗大鑊喎~哈哈..眞係唔講唔知呀..點解佢哋可以收得咁埋嘅?!
一落車,見到好多小學生呀~佢哋叫我小心,唔好赱失,如果唔係就要喺小學生堆度搵翻我出嚟..無奈aaaa~
去到首先幫襯下個toilet..好香呀~而且全部都係木,好正呀!!個洗手池先搞笑..自動水龍頭咁先進加木製嘅盆咁原始,好唔襯咯!!
第一站係激流勇進..原來邱副畏高泇,咁弱智嘅機動遊戲都唔敢玩..哈哈..仲屎過我..佢同小可都冇玩,即刻變咗人肉衣架..
開頭以為老細都玩,我就坐咗第二,留翻第一比佢..點知佢唔玩,我就變咗第一..佢d.雨衣好似地毯咁,著起之后好似去剪髮咁呀..好搞笑..
雖然嗰個激流唔激,但係都係濕咗咯..手同pet pet.呀'頂~好綵都係濕少少..我諗起長隆嗰個,實在正太多啦..冇得比!!
跟住亞簡,嘉欣,敏琪,麗明去咗玩個唔知乜嘢,我就同班男嘅喺下麵等..竟然比人話我扮純情..咁我眞係唔敢玩泇嘛..而且都夠人啦..
嗰度個跳樓機眞係好跳樓咯..慢到傻呀..我哋喺度睇咗好耐,喺度賭有冇人喊..哈哈..結果好明顯,我哋都等佢落到嚟就赱咗lu~
然后我唔知點解好大膽咁玩咗個小型嘅U型..本來我怕我會驚,唔玩泇..亞布死叫我玩我先諗住死就死啦..點知唔驚泇咯!!
雖然佢係成個人倒轉係半空,但唔知點解我唔驚..不過就感覺到d.重力作用好犀利,好似成個人要跌落去咁,同埋沖曬血咯!!
嗰度有個車場喎~班男嘅喺度玩卡丁車,我哋就影下相,傾下計..有隻馬好怪..老霍話佢抽觔喎~仲有一隻好似好老嘅駱駝..
佢哋玩卡丁車嗰陣好搞笑..傢浩個頭太大,永遠都戴唔到個頭盔,佢開車嘅技術係最好泇..不過佢腳好短呀~要伸到直曬..哈哈..
謝詩雋眞係冇曬嘢講..狂炒車..最搞笑唔記得邊個同邊個撞咗,搞到塞死咗..邱副好大聲咁講"咪塞死曬啦~好seo.貴泇"..
之后之后,去咗玩空中飛人掛..雖然娜莉佢哋已經講過唔好玩,但我哋都係要玩咯..呢d.叫唔叫明知故犯呢?!咁就4粒票..
喺下麵坐咗好耐,唔知為乜..跟住敏琪話去玩哈哈鏡..佢哋好過分,個個都話叫我快d.去玩,話睇下我個頭細咗會點,同埋個人瘦咗會點..
點知其實嗰度係鏡宮..入到去,玩到我哋四個暈下暈下..敏琪行到好似盲嘅人..好搞笑..最后以為離出口好遠,點知轉身就出咗去.. =.=
跟住去咗玩個好弱智好弱智嘅過山車..同阿布坐喎~幾迫呀..哈哈哈..佢仲要賴係因為呢d.係細路仔玩嘅嘢所以咁..不過眞係好弱智!!
可能因為知道d.嘢都好弱智,所以我就玩多咗個睇落去比較刺激嘅唔知乜乜,點知都唔係刺激..撞到我pet pet.好痛..
亞簡帶隊去咗睇大豬跳水..佢哋好慘呀~好似好驚咁,流曬口水鼻涕..后來係"扇"落嚟泇咯..唔知佢哋最后點上水泇呢,好好奇..
跟住去咗聖誕老人村..好得意aaa..全部嘢都縮細曬,而且都係木屋主題,好靚呀..我哋喺嗰度影咗都幾多相..眞係好正aaaa..
趕住去睇小豬跳水同埋鬥雞..諗住睇埋就join.翻班男嘅去食飯..點知佢哋已經喺水底船餐廳坐落咗..咁就唯有食咗飯先翻去睇啦..
嗰間嘢眞係喺船入面,而且眞係喺水底,裏麵嘅裝脩都唔錯,外麵仲有龜同魚,總之就係正正正..超級無敵勁爆有情調..我哋即刻高雅曬..
嗰度嘅價錢同外麵差唔多,算係平泇啦..除咗亞簡食飯,我哋都係食扒..比人話扒食扒..sh1t!!!!!.不過嗰度嘅出品都唔錯..
之后翻去睇咗小豬跳水..大豬係跳之前屙屎,小豬係跳完之后先屙..不過小豬好睇好多,因為佢哋會好主動咁跳,仲好似好開心咁..
跟住睇賽鴨,冇咩好睇..鬥雞會比較值得訢賞..佢哋惡到d.毛都竪起曬..然后佢哋好似眞係明白訓練員講咩,唔知點樣訓練佢哋嘅呢~
睇咗皮影戲..我未試過現場睇呀..點解個個都mark.一字馬嘅?!不過我覺得已經好犀利泇啦..木偶戲聽唔明講乜,睇咗一分鍾就赱咗..
諗住翻去聖誕老人村度繼續影相..點知班男跟住曬,即刻冇曬影相嘅慾望..而且又諗住去睇海陸空動物錶縯,點知去到已經完咗..
去咗食個下午茶餐A+B..睇嗰陣覺得好抵,買嗰陣髮覺揀唔落手,最后就后悔咗啦..盃嬭茶,齋奶冇茶,仲要有珍珠..食物又唔新鮮..
玩咗一轉摩天輪,好慢好慢,超級無敵慢..而且好細..不過都足以比我哋飽覽嗰度嘅全景,好細..諗起東方樂園嗰個眞係超級無敵勁爆正!!
敏琪同亞簡,麗明去咗玩踫踫車,諗住之后去玩鬼屋..點知佢哋打電話嚟催,話已經上曬車..哎~特登留咗16粒票嚟玩泇嘛..嘥曬..
不過唔緊要,因為我哋約好話遲d.等佢完善曬就去渡假..到時可以繼續用咯~呵呵..ah~唔知到時會有邊個呢..
翻到去,本來有下半場嘅..不過因為佢哋都未諗好去邊,而且我諗住留翻d.錢聽日hi-tea,所以就同嘉欣赱先..
同嘉欣去咗買糖水..我終于知道檔嘢喺邊啦~不過而傢又好似唔識路喎..哈哈哈.. |
| 2009 年 4 月 9 日 星期四 |
| 2009-04-09 |
分類: 未分類 |
今日本來好開心,因為上午就搞掂曬d.嘢..聽日可以安心去旅行,而且下星期又可以囬復自由..
潘老師好忙,搞到我都搵唔到時間同佢講我要請假..聽日上午文印室冇人,冇人印嘢,冇人派報紙..我會覺得自己請假好衰..
有個亞叔嚟復印,佢一開口就話"幫我復印兩份呀"..咁我見單麵又得一張,咪放喺下麵印咯~佢竟然話"放上麵唔得泇咩?!伱唔識印呀?!"
好啦~然后另外一份雙麵喎~咁我諗住幫佢摁過個糢式啦..我伸隻手埋去,隻撲街ong.開我隻手喎~自己又搵嚟搵去都唔知摁邊..
之后我唔鬼理佢,等佢自己慢慢復,去咗搵程老師..我翻嚟嗰陣佢問我,唔使登記泇?!佢都傻嘅,登記乜嘢呀?!邊個科室印咗幾多張嘢呀?!
中午潘老師交帶曬所有事情就去咗開會啦..好多科室都冇曬人..財建科6個老師都去曬,潔文佢哋可以赱先呀~幾好呀..
訓唔著覺喎~唔知係唔係因為星期一冇得去心情唔好呢~其實我都預咗,但有過希望,就更加失望..哎..算..不過眞係好唔開心..
仲要髮曬人哋脾氣咁..我EQ又低咗,其實係未高過..哎~咁卑微嘅願望都實現唔到..saddddddddddddddddd..
下午以為潘老師唔喺度就free.曬..點知我都係要做OA.嗰份作業..好難搵圖片,又唔sure.嗰d.係唔係喎~仲要電腦冇ppt..又冇連printer..
跟住小教科嗰度嘅人赱度過嚟我度復印..佢放d.紙喺上邊嗰度入,搞到卡紙..雖然係經常髮生,但今次卡得好死,搞咗成二十分鍾..
搞下搞下就四點啦..去攞報紙..頂..鬼咁多信,關老師又唔喺度,我鬼知邊個打邊個呀..辦公室又關咗門,我攞唔到鎖匙,派唔到信件..
跟住招生辦有個撈頭老師攞咗好多嘢過嚟比我印..癡綫~咁遲先攞過嚟..仲要佢成日覺得我唔識,喺徬邊教我..唔識嗰個係佢好唔好?!
成日叫我試印幾張先..會搞亂d.數泇..煩!!又攞張紅頭過嚟喎~攞紅頭紙印咪係咯,原件係紅頭係印唔到泇,佢曉唔曉?!?!
又話我d.單雙面搞錯喎~邊有錯呀!!係~平時係1,2頁同一張,但而傢第1頁係紅頭要單麵,梗係2,3頁癡埋一齊泇啦..
佢成日喺我隔離講講講,我最怕我做嘢嗰陣有人嘈住佢..佢仲要係講普通話,又快又高音..我眞係好想打暈佢!!!唔知點解我今日咁忍得!!
佢又趕,又咁遲先攞嘢嚟印..我叫佢等等,咪嘈我..佢話"我趕著囬傢呀"..靜係佢先要翻屋企呀!?我夠趕住赱啦..伱唔嚟,我赱咗添啦..
今日眞係超唔爽..比兩個咁嘅老師搞到本小姐心情超差..我覺得教育侷d.老師都好好人,又搞笑..特別係財建科同辦公室嘅老師..
哎~心情好差呀..唔知自己up.乜呀..
last.講樣搞笑嘢..今日磚磚同我講,嗰個成身煙味嘅男人係人事科嘅,姓李,叫李科..我頂佢..我以為佢講嗰個李科個名比我知..
跟住我就話,我今日終于見到副侷長啦~之前政委去開會我都未見過佢..姓徐,叫徐副侷長..講完之后磚磚大笑,跟住我先Get.到..
佢眞係姓徐,又眞係副侷長嚟泇,叫徐江..但我一直都忽略咗原來佢個title.咁搞笑..徐副侷長.. |
| 2009 年 4 月 8 日 星期三 |
| 2009-04-08 |
分類: 未分類 |
琴晚兩點幾先訓,k.先生就陪到我兩點幾..最搞笑..伱幾時先訓呀'Ho.小姐..never change..XDDDDDD
今日終于冇嘢印啦..即刻開電腦down.翻個飛信..我d.短信唔知幾時爆咗..而傢條條都錢呀..肉赤死..而傢傢姐又唔會幫我充值喎~
文印室就好似我嘅office.咁..我乜嘢都放曬喺嗰度,飯盒,紙巾,水盃..嗰部電腦又好似我專用咁,潘老師用都要同我講聲..哇哈哈..
高速咁錄入d.資料..我自己整過份表果然唔同d,分類明確咗好多,唔使下下諗到頭都大埋唔知分去邊..一個上午就整咗一盒半..
下午又搞掂多一盒..剩翻兩盒咋'而傢..聽日下午潘老師外出,free.曬..不過如果有嘢做我就死啦..嗰陣眞係分身都唔掂..
希望聽日順順利利搞掂曬d.資料..然后我就可以安心請假啦..星期五,have a good trip..可惜人物唔同曬..哎~好掛住以前班人..
今晚臨赱嗰陣,胡科長赱過嚟改嘢,搞到我冇拉拉遲咗10分鍾赱..然后等227又等咗好耐好耐..結果多人到傻咗..搞到我要撘243..
我低估咗天河交通嘅擠塞情況..本來約肥仔約咗6點半,諗住遲赱就改7點,點知我過到河南已經係7:23pm..人都顛..sorry,我又遲到..
唔開心呀~我d.底片..攞唔到啦..欠炳眞係好欠炳,點解可以咁蠢,同人講佢哋係情侶,搞到要收費..算啦..靚嘅相都揀曬啦..由佢..
但係星期一呢就.......我都唔知..應該都係唔得多泇啦..雖然我今日落咗黃嘉偉個電話去預約..哈哈..佢知道之后勁爆激動,好綵冇鬧我..
救命呀~癡綫泇咩..OA竟然有作業..煩死人..我冇上課都要我交作業,咩道理?!而傢睇睇要做乜嘢作業先.. |
« | 30 | 31 | 32 | 33 | 34 | 35 | 36 | 37 | 38 | 39 | ... | 114 | »
|
