琴晚同33號傾咗一陣..睇唔到佢個樣,眞係唔覺得佢惡..哈哈哈..或者佢眞係好似mvp所講嘅咁,好nice.掛..

傾咗下今日比賽嘅嘢,佢叫唔去捧佢場喎~跟住仲傾咗下赱讀d.嘢..then..冇咩啦..佢要早訓,仲叫我早d.訓..  =.="

可惜~我唔訓著!!我上163.見到肥輝都有on line..明明距離好近,但感覺好遠..突然間感覺到自己對呢段關繫好無能為力..

點解會搞成咁泇?!tell me why~?!比個原因我得唔得丫?!我究竟做錯咗d.乜丫?!我唔要咁丫!!乜嘢叫keep in touch.丫?!

對于肥輝嚟講,我d.眼淚絕對唔值錢..超討厭呢個自己..

本來今日去睇比賽嘅,冇傅永彪嘅,唔去嚕..喺屋企褒劇..有夠無聊的..不過山p 好靚仔丫!!

下午同k.先生水咗好耐..久違的感覺..不過其實我好唔鍾意同一個心情唔好嘅人傾計,搞到自己都冇曬mood..

夜晚就睇電視<蜘蛛俠 2> ..我都係覺得1好睇d..不過應該好快會播掛..

仲有仲有,同ca.玩連連看..哈哈哈..佢當然唔係我對手,點知玩玩下,變咗佢frd.玩..祅~佢個frd.好叻丫..

之后同十八傾計..講講下,講到結婚d.嘢..哎~唔覺唔覺就2字頭啦..但係同"結婚"呢個詞好似好有距離咁..

不過~我呢d.咁貪玩嘅人,結婚喎~好似唔多啱我..容乜易結咗婚冇幾耐就離婚泇..靠!!我不要..其實我好想結婚..

唔得啦~聽日要出街啦..再喺屋企我會悶死泇..

又一個訪問連接..

無聊搜嘅..搜咗7頁結果,得呢個連接係眞係我嚟..原來我個名都咁街..

今日6點就比媽咪嘈醒咗..其實佢隻不過係喺廳度傾咗個唔夠1分鍾嘅電話,唔知點解,咁就比佢嘈醒咗..

然后開住部電腦,掛住個q,仲有開咗隻盧仔繼續訓..快d down.曬<新不了情>啦'唔該曬..

8點再醒,一睇部電腦,哈..開心死!!黃嘉偉喺我q-zone.度畱言耶..其實我知佢朝早會上,所以掛住個q,諗住佢會撩下我..

不過佢就喺q-zone.度畱言instead of q.我..前邊忽略,后邊佢係叫我小心身體..哈哈..佢竟然識關心人,對象仲要係我,開心死..

9點幾又醒,可能係開心到訓唔著..哈哈..上q.同文靜吹水,攞咗33號個q..英文課冇點名,我唔翻去係正確嘅!!

今日屋企得我一個,又要食自己..一個人喺屋企,我眞係可以除咗去厠所就成日喺房..好犀利..

不過我都好乖,寫咗3篇作文..正確d.嚟講係抄..終于搞掂曬d.死人寫作作業啦..萬歲!!

今日阿彪喺大學城有比賽,超級想去睇..不過冇人陪..錶姐同money.都有課..到我諗起基仔都係廣大嗰陣,已經太遲啦~

不過唔緊要,今日隻不過係開幕式,聽日仲可以繼續丫..min.特登調休陪我去睇,眞係辛苦佢!!始終都係小學同學最好..

頂~頭先死人傅永彪話原來佢得今日有比賽..撲街啦,要min.特登調休,搞到我超級唔好意思..好綵~大傢咁熟..哈哈..

夜晚daddy,mami.好遲先翻到嚟,就叫我煮定飯先..我洗米嗰陣突然間諗起,我好似起碼有年幾兩年冇做過呢個動作..

一直以嚟d.人都話我條命生得好..其實我眞係唔覺,佢哋唔係我,唔會明白我嘅處境,唔會明白我有幾困難,唔會明白我有幾不滿..

今日又有人話,我係觀音孃孃個女,有乜嘢事,都會有觀音保祐..其實我好想講,我係觀音誕前一日出世泇..佢有冇算錯日子丫?!

嗰個人仲話我係個叻女,無論係而傢讀書定係第日出嚟搵食..哈..希望承佢貴言..不過我比較想知我嘅桃花運如何..哈哈..

算啦,呢d.嘢,寧可信其有嘅嗻,確實佢又眞係幾準嘅..如果我眞係有佢講得咁好就好咯..呵呵~

某日無意髮現,今日無聊整..我手臂比手腕粗很多耶~

(2008.05.26) 星期一 天氣:雨

今日一早起身開電腦上q..隻因我琴晚截咗<夠不夠>英文嗰段比黃嘉偉,我知道佢肯定會畱言比我..而且,我知道佢朝早一定會上..

點知..點知....點知佢竟然話好難聽..即刻心機都冇埋..哎~嗰陣又胃痛喎..即刻痛多幾錢重..哎哎..好hurt.丫..都唔識訢賞嘅..

翻學慣常咁遲到..慣常咁冇聽課..慣常咁上網..慣常咁傾計..磚磚唔去澳門啦,佢竟然星期六同佢屋企人去咗,都唔知有冇搞錯泇..

不過都ok.啦..咁我就去文靜屋企住..唔使去冇飯食嘅阿細屋企..哈哈..但其實我想去阿細度,咁就有機會親自下廚..

中午落大雨,好大雨,又大風喎~吹到我蚊帳好似想"冧"咁,幾驚丫..阿雪出去睇落雨,點知比個天潑到成面水..搞笑..

上英文課,要做B級捲..好難丫..眞係超難..癡綫嘅,有成半單詞都唔識..連kuen.都話難..哎~即刻又對B級冇曬信心..

(2008.05.27) 星期二 天氣:雨

今日成個上午都冇課..無聊到丫..眞係好想去行街,不過可惜冇錢..我要堅持堅持丫!!就快去澳門啦..哈哈..

我好犀利咁一日寫咗2篇800字作文..眞係自己寫泇..寫到手幾攰丫..成個學期都未寫過今日咁多字丫..

下午上寫作課..又就快上完啦..好怕寫作攷試要寫作文丫..我唔得泇..係~我係鍾意寫嘢,但我寫唔到咁多字丫嘛..

跟住去咗睇男子籃毬..廣工vs農工商..癡綫泇!!廣工嗰邊嘅人平均身高185,點打丫?!d.人高到離譜泇!!傻泇咩~!!

不過我哋都係輸咗十幾分嗻..人哋有2個係體校嘅..哈哈..我哋有藉口輸..不過佢哋眞係配閤得超好,而且,隨便射都入..

夜晚就選脩攷試..哇~也太簡單了吧?!枉我抄咗咁多日筆記..點知..其實搵書都搵到..20分鍾搞掂份捲..坐到有人交捲先赱..

(2008.05.28) 星期三 天氣:雨

好煩..呢排日日落雨,我好唔鍾意,超級唔鍾意..搞到d.衫成日都唔乾..搞到冇嘢好做..

今日中午又完成咗篇作文,仲有3篇咋,加油丫!!

下午上英文課,改翻上次嗰張捲..我啱好閤格咋!!連我眞命天子林鎮星都叻過我丫..搞錯丫!!眞係考得咁差?!

跟住落咗去睇女子籃毬,廣體vs農工商..哇~廣體d.人好勁..不過后來我哋都追得好貼啦..打完第二節差3分'好似..

不過喺呢個時候竟然落雨!!足毬場嗰邊又踢緊總決賽喎..打波踢波先嚟落雨,唔通連個天都唔鍾意我哋?!

籃毬嗰邊停咗冇打..但足毬嗰邊就繼續..人哋咁落力踢,我哋梗係要睇啦..雖然個身濕曬,但我睇得好開心耶..哈哈..

佢哋d.人好似喺度玩水咁..哇~眞係好大雨,d.雨水打落嚟係覺得痛泇..突然間覺得好似拍戲咁丫..哈哈..

阿飛好型耶..不過佢又狂"扇"低..仲要跑嚟我呢邊"扇",差d.眞濕我..其實我本來就濕曬..

文靜好型丫..有個足毬飛緊埋我度,佢一腳踢開咗..不過其實我都想踢下,我未踢過足毬泇..想感受下..

停雨之后,mvp,33號,燒鵝,casual,錶哥,黑柴,瀟灑哥仲有其他唔識嘅喺度玩掟龜..好多搞笑場麵咯..佢哋都唔知點掟泇!!

今日雖然落雨,但係玩得好開心丫..哈哈..如果日日都係咁就好啦..

(2008.05.29) 星期四

今日要上體育課..我髮現我又多個交扠..點解會咁泇?!我幾時又曠課丫?!癡綫泇!!補攷咗,不過4投2中,仲衰過上次..

上計機課,老師好好人咁一上課就比我哋上網..第二節上課嗰陣,我贊老師今日特別靚仔,點知佢就跟手斷網..頂佢個肺..

跟住我同磚磚提早赱咗,諗住去麵試..點鬼知嗰條友又出咗去,搵第二個嚟麵試先..遲d.再另外搵時間面多次,或者講清楚..

然后髮覺嗰附近我有免費巴士搭翻屋企..實在太誘惑啦..所以我就翻咗屋企..聽日當然就唔翻學了..

翻到屋企比人阿瑩話我係逃學天后..我好無奈..偶然曠下課而已..唔曠課嘅就唔叫學生啦..

睇咗<新不了情>同<繙滾吧,蛋炒飯> ..<新不了情>感覺上好似拍得好差咁嘅..不過有陳坤,我一定支持!!

<繙滾吧,蛋炒飯> dt.超級靚仔!!好鍾意佢丫..555~不過我就唔鍾意小薰嗰個角色,有d.太誇張了..

夜晚ca.加咗我入佢個群度..竟然比我撞到傻seo超..好surprise..佢竟然記得我喎~

好開心,琴晚見到黃嘉偉飛信on line..佢竟然識同我講笑..佢變了變了變了..是否好事呢~?!

琴晚2點就訓啦,不過一訓落床就有電話,搞到成3點先訓得..仲要傾到手機冇曬電..好綵仲響到閙鍾..

今日一起身就整電腦..今次要生生性性,唔好再壞啦,等我有錢就..............哈哈哈..不過呢個目標都好後下,因為非必要..

下午小慧叫我出去飲下午茶..出到去,一落車就落大雨..想點遮?!日日都要我淋雨..

今日係去駿田會..好耐未去過啦,d.佈侷同以前唔同咗,d.嘢食嘅味道都差咗..點解會咁泇?!?!?!?

跟住行街行街行街..哇~週圍都大減價,但我冇錢買!!bambini.嗰件黃色好正aaaa..T.T

我髮覺sunday place 嗰度d.衫好平..而且都ok..哎呀,總之今日見到乜都覺得好睇好觝好想買啦..但我要買咗手機先!!

行到7點幾,攰攰哋,去咗青宮M記坐下,點知比我見到梁桂華..眞係好綵,本來佢今日唔使翻工,隻不過係翻嚟開會,咁都比我撞到..

有專人為我哋服務,攞餐牌過嚟比我哋點餐,又送埋餐過嚟,坐喺度就有得食,眞爽..

我哋話想試麥樂雞,佢問我哋要幾多嚿..5嚿?!10嚿?!20嚿?!嚇親我..我哋仲可以一次過試齊4種醬添丫~今晚仲有試咗椰子批..

今日本來諗住喺屋企寫作文嘅,又完成唔到任務啦..哎~遲d.再寫啦..

後日就考心理啦..希望pass.啦..不過應該一定pass.嘅..好歹我都係熊暢嘅愛徒.. T-T  其實我很不情願..

其實我哋一共叫咗6碟嘢..

4種醬,最好食係芝痲..其他都一般..

一盃橙汁,一盃冰爽,一盒麥樂雞,兩個派 加埋都係用咗14.5咋..超級觝!!

琴晚继续3点几先训..悟知点解一翻到屋企就悟可以早训..奇怪..

今日8点几就起身啦~救命..不过还好,我系一个训好耐又得,悟训都得既人..

攞D汤去医院比婆婆..其实好惊荡失路,因为未去过嗰间医院,而且我又赶时间喎~总之麻烦就系!!

好彩我还是比较醒目,冇行错路,冇兜远路,好顺利感去到医院..HEA咗阵之后就走咗啦..其实觉得自己好衰,不过冇计,我约猪头在先..

行去车站搭车嗰阵落好大雨,完全冇办法行去车站..哎哎~睇黎我要改下我悟带遮出街既习惯啦..

其实今日我冇迟到..很好..

然后同猪头入咗KFC揾欣琪填份入职表..希望得啦~我要做PART-TIME呀..真系真系悟想再问屋企人攞钱..

跟住仲要食埋KFC添..我哋感好帮衬,系悟系应该请我哋先~?!哈哈..其实系因为猪头要挨时间,所以先............ER..

因为好多人冇位,而望住我哋食完野又悟肯走既缘故,最后我哋都系投降,提早咗10分钟离开,去咗行街..

悟知系悟系太耐冇行过地王,我觉得地王靓咗,而且D货都悟同晒,好多野想买呀..搞到我哋好似大乡里出城感..

最后,因为我哋自制能力太好既缘故,都只不过系去D精品店度买埋晒D悟等使既野,衫裤鞋袜冇收获..

ah~我哋去咗watson.买咗都悟少野..呢期watson.特价好抵下..特别系chocolate.呀..不过呢D奢侈野都系等人买比我啦..

走嗰阵,个天好黑,好惊赶悟切去车站,好惊又要淋雨..

翻到屋企..................救命!!有2条化骨龙系我屋企..两个冇咩破坏力既小朋友加起身就变得好有破坏力..

好彩今日阿妈系度,我可以有好多私人时间..可惜我部电脑悟争气..哎!!我决定听日大搞佢一祸!!

夜晚谂住写作文,点知阿恩飞短比我..谂住上Q静系同佢水下,点知就异常哋忙..最后搞到我都完成悟到3篇作文既任务..

今晚问蠢兄几时得闲比部车仔我,点知佢讲咗句"应该问你几时得闲"..谂落,我呢排又真系有D忙..听日终于得闲啦,可惜我要做作业..

接落黎既日子或者会好辛苦,但我一定会好努力..study hard N work hard..

仲有,基本上,我已经决定咗买w910i..我又被外表所击倒..哈哈..

今日又晒,又淋雨,个头好鬼痛..很好..i catch a cold..感又点,都冇人会紧我..随便了..