今日去左賣旗,

星期六都要同平時一樣時間起身,唉...

我地一開始冇人敢叫人買旗,

不過等左一陣,我地就敢la,

有好多人主動行過黎同我地買,

我地果道係街市,所以多數都係一d公公婆婆,

本來諗住d老人家冇錢都唔會買ga la,

點知買得最多都係d老人家,

有個婆婆走過黎叫左我一聲"四眼妹"然後好開心咁同我買左支旗,

帶左咁耐眼鏡真係第一次比人叫我四眼妹...嘻~

有幾個人都比$20,有幾個$10,最少果個比兩毫子(無奈)...

有d人見到我地就特登行得好快,又有d叫左佢都肯唔買,有d話冇散紙,

香港有好大方ge人,也有1,2蚊都唔比ge人...人ge真面目就係咁ga la~

我叫左兩個外國人賣左支旗,好開心,

好彩佢地過黎果陣冇問我野咋,因為我會唔知點答佢...英美d人特別nice,真好~

我地個旗袋賣到好重,隻手都就黎斷,累成咁得支烏龍茶= ="

我地完左之後同money出左mk買3,搵極都搵唔到岩心水ge"嬲"~

我一陣仲要去姑婆果道食飯,坐多陣就要出發...真係好多街出,好開心~