但仲有幾日就考試啦！我仲未溫好書，咁…係咪注定今次考試會好差呢？我真係唔知…

平安夜？平時會去報佳音既…不過今年應該唔會，今日又係兩餐當一餐咁食…又係食公仔麵，真係可憐，平時係學校又係食公仔麵，連放假（係屋企），都要食公仔麵，鬼叫我屋企有超過200個公仔麵咩！唉~罐頭？淨係計五香肉丁，都超過50罐，午餐肉就唔好講啦！超過100罐都有…最少睇黎係回鍋肉，但都最少有…40罐啦…西洋菜蜜，最少有60支…無奈…宜家屋企仲有好多米、通心粉同意粉，真係唔知幾時先食曬！

聽日聖誕節！相信又係無咩特別，上年聖誕做過咩，我真係唔係好記得，好似去尖沙咀，定係沙田？講真，我都算黑仔，其中兩年聖誕係醫院過（因為病左，一次中左細菌，叫咩車輪菌，一次嘔到死），而其中一年生日係警局過（因為屋企收到有人追錢，但明明係追上手業主），一年新年又係醫院過（因為發高燒，燒到107-108度，入左深切治療病房），如果計埋今年個暑假，就有兩個暑假係醫院住，個年既暑假我不停病，成個暑假入左超過8次醫院，淨係8月都入左5次醫院，之後未來呢個暑假，連我地d女仔，最想去gssc個camp都唔知去唔去到，因為今個暑假要做兩次手術！

今年聖誕希望會好過上年個聖誕啦！