今日係星期日,要返church,

今朝8:35分醒左, 諗住起身啦,

點知我呀媽話想刷牙先, 於是我就俾佢先啦,

點知佢15分鐘之後先出返黎lo,

我換曬3同刷曬牙之後, 我呀媽同我講, 話我做咩咁遲起身wo,

我0左, 我同佢講係佢自己搞到我咁lo, 點知佢罵返我轉頭,

於是我嬲爆爆咁走左...(佢都唔知咩事, 打橫黎講既!! 仲搞到我遲到呀)

返到church, 我見到我d fd,

唔知點解我d嬲即刻冇曬,

跟住就係崇拜,

我細路仲遲個我好好多到lo, 佢真係好似我以前咁,

佢依家咁唔想返最衰都係我, 係我累左佢呀...

個講員講得好好, 但係唔知點解我d fd同我細路都訓左,

算啦, 佢地都冇心去聽, 迫都冇用...

之後就係主日學,

個winnie講野悶到死, 連我都唔想聽,

於是我就同吳曉峰係咁傾計, 雖然我地傾得好開心,

但係我地傾到俾人warning lo, 搞到我地都唔好意思,

但係真係好悶呀...

終於都捱到完啦, 到團契既時間,

我地今次既團契係要分2組傾個攤位d野,

由d導師分組, 好在都係同好男人同吳曉峰一組, yeah,

不過我地得2個女仔lo, 第2組有成6個lo, 不過有d冇咩點返,

由於我同吳曉峰俾人屈左做組長同副組長,

搞到我地要諗曬好多野lo...

我個組啲人又唔係好諗野wo,

搞到我要自己諗曬咁制,

呀瑋仔佢又串又煩又唔諗野,

見到佢串人搞到我都想串佢, 最衰有導師係到我費時啦,

最後分曬工, 但係我信唔得過方進仁自己可以搞定成part lo,

佢一向係一個好kai又做唔到野既人lo...

不過我啲人都好過第2組啲人,

佢地仲唔做野過我過個組,

真係辛苦呀林佩塋lo...(冇左李嘉樂係一件十分好既事...^_^)

之後我完就同我細路去左補習同食野,

去到6:00鐘就返到屋企lu...

我返到屋企之後我打電話俾我呀mum問佢幾點返,

我諗住佢如果好遲先返我就食住d零食先,

點知佢係個電話到好悔氣咁講野就收左線, 冇答到我條問題...

點知佢返到黎就罵我lo,

佢話我吹佢返黎煮飯lo, 我邊有!!

一件小事你答左咪得lo, 搞到我同佢嘈左差唔多成半個鐘呀...

佢最後俾我串到冇野講, 走左出去唔知做咩,

我先發覺我原來真係咁串,

不過如果我唔串嘴我會俾佢咬住一世, 係佢迫我串嘴嫁...

不過我可以肯定一件事,

由大概1年前我發現我呀媽變成一個打橫黎講同鐘意大事化既人, 同之前好好同講道理的佢唔同左...

今日我見佢唔到,

我好想見到佢,

我好想打俾佢,

我好想同佢講我今日既野,

不過我冇咁做到...

因為我知因為一啲原因我今日唔可以打俾佢影響佢既心情,

所以我決定將我d野收埋,

自己食曬d唔開心既野...

只要佢開心就得嫁啦,

見到佢開心我就會唔記得曬d唔開心既野嫁啦...