唔講唔知,原來廚房係個好搞野既地方xDDD

話說尋日星期四,下午場一開始未有客...

咁廚房成班人(6個到)企曬係到吹水

佢地真係咩都講:咸野,古票,國際.......好多好多

咁果陣就突然講到廣州既"迫"貴園,講話果度而家好平,千幾蚊就可以做業主

講講下個主角出場喇,太空人突然行埋黎搭嗲...

話:我都想係上面買返間

大雄:你買到就唔洗係到做啦!

咁大家都係度笑佢(註:佢個樣好呆,做野超慢,記性極低)

其實之前笑過佢好多次,例如window95,記憶體唔夠,同佢溝通唔到...

咁果陣大家既注意力都放曬係佢身上,想了解佢多D,問關於佢D野

大雄:你有D咩興趣架?

太:聽日文歌,打機,睇電影

大雄:聽咩歌手多呀?

太:(佢講左幾個名,唔記得~.~)

大雄:嘩!全部都退曬休架wo,有無d新d呀

太:xxx子囉

大雄:佢唔係拍咸片既咩?

笑左陣之後繼續問...

大雄:有無睇下動畫呀?(大家都會覺得佢問緊既係日本的動漫eg:火影,op等等...)

太:有呀,宮崎駿果d

.......

大雄:有無打下機呀?知唔知咩係online?

太:知...挽下QQ咁...

大雄:仲有無其他呀?

太:手制果D囉<-------佢係指PS

大雄:有無睇咩漫畫呀?

太:古惑仔

大雄:你有幾多年無出街呀?古惑仔?!

.......差唔多係咁,不過現場先正,當時情況好難用文字形容

笑死我喇XDDDDDDDDDDDD''

尋日:

我一返到去就即刻做自己既工作,

煮飯再洗米,執面史湯D料,執前菜同咸菜...

一切都做好曬之後,發覺好似小D野...

哦!_!原來係個太空人無返到(成日漫遊果個xDDD)

咁我就諗佢應該係之前成日俾人鬧所以唔返...

我再諗...咁佢煮面個位唔通俾我?!跟住我就係度發夢喇...

但係我只係發左無半粒鐘就醒了...

因為大雄(廚房大佬/師傅)叫阿姐(又洗碗又幫下廚房既阿姐= =)頂佢個位...

咁我就無無聊聊咁過左一個上午...

休息兩個鐘後返5點,返到去都係做返果D野...

由於尋日係國慶,間野都幾乎成日爆曬,要等位...

7點幾,我諗幸運之神終於發現左我既存在了...

大雄見我無咩做,就叫我出去鐵板度學野!_!

佢話之後開始會有人放假,咁邊度唔夠人我就去邊

係果度學左唔小野a.a

8點差唔多9點果陣..大佬又叫我去壽司度學野!!_!!

正!!!唔錯!!!

咁我係果度又學左"渣"飯粒,整壽司&手卷...

呵呵...我變左全能超人了xDDDDDDDDDDDDDDDDD''

PS:個太空人下午班先返= =原來佢訓唔醒-0-

岩岩起左身,就黎打下BLOG喇...

咁又講返尋日既野:

返左一個星期工,我已經開始有固定要做既野

例如煮飯,洗野,執湯/蛋料

不過我剩係覺得執湯/蛋料比較好做d

因為做呢樣似個廚c-_-

咁尋日星期一就唔係好忙(不過就算忙我都做唔到咩/口\)

夜晚我就負責擦鮑魚,我擦得好淨架^^

每隻我計過要擦2min,咁我就擦左2粒鐘= =v

講多件事,就係同我一齊既另一個學徒...

佢尋日終於俾人鬧啦xDDDDD

因為佢手腳慢,咁佢煮面果陣又超慢(佢以前做過味千,所以佢有得負責煮面)

所以就俾個師傅鬧左兩次,而第二次超搞野:

"做得咁慢!你而家漫遊呀??!!"

咁我就幻想佢係廚房漫遊個樣-0-笑死我啦..哈哈哈

但係一陣之後我又無笑到...

因為諗起妳...諗起果日個sms

唔知點解突然好似想喊咁...唉...

做左野幾日喇...開始知咩叫累><

但係做左野之後,阿媽都仲係好小俾我打機...超衰

其實係佢自己想挽!成日挽"跑"......頂佢唔順~.~

由於我晚上先收工既關係,而佢又唔俾我打機...

所以我諗之後個blog都係係早上打= =無辦法我都唔想...

咁講返尋日,我做果間野6點就正正式式開左喇

真係估唔到,d野咁死貴都全場爆曬xDD

不過...壽司吧,酒吧,鐵板同廚房,就只有我地廚房忙到咩咁...

最慘既就係我好多野都唔識/口\

幫唔到咩手而且唔知點幫,咪只好成日問下:我做D咩...?

-0-

咁尋日就做左:洗蟹,幫D魚解凍,洗蔥,執貨,洗野,整面史湯<---全部簡單到KAI的/  \

但係問得多又驚煩~~

唉...好想識多D入面既野,幫到下手咁=[

廿六號~即係今日,我做果間日本料理開始正式做生意啦

不過實際上都係半正式,因為今日主要都係要招呼老闆D朋友

但係點今日都係要開始煮野,做野喇

心情好緊張,唔知點咁

好驚幫唔到手&做錯野

不過我會俾心機的!_!

所以...請"妳"一路支持我吧><