最近我睇o左好多戲, 以下係我睇後感 :

 

獨家試愛 - 唔值得入戲院睇, 租VCD睇都OK, 套戲好生活化, 講中晒現今新一代男女o既愛情觀,

                   尤其是係個ending, 小方send SMS & stephy 寫信果度, 簡直中晒...

                   每當我見到一o的似曾相識o既畫面o既時候, 我都忍唔住笑...

                   haha... 原來個個都係咁架???

 

海神號 - 精彩~ 精彩~ 精彩~ 錯過o左去戲院睇就太可惜喇, 套戲好緊張刺激,

                一o的都唔悶場, 不過得個半鍾時間太短, 爸爸為o左個女跳落水死o左果度最感人,

                不過我無喊, 真係覺得果個女好不孝!!

 

搞乜鬼終極奪命雜作 - 好好笑, 不過無內容, 睇完都唔知講乜?? 租VCD得喇!!

 

4條腿拯救隊 - 睇呢套戲真係少o的童真都唔掂, 肯定悶死... 無荒失失奇兵咁好笑囉,

                         仲諗住王子華+張達明+森美配音會好攪笑添, 點知都係一般姐,

                         都係鄭中基好笑o的!! 好老實講真係唔值得入戲院睇, 租VCD得喇!!

 

新紮師妹3 - 勁好笑, 不過都係無內容囉, 都係果句啦, 租VCD得喇!! 套戲拍得薛凱琪好靚~

 

鬼域 - 好好睇, 可以去戲院睇, 唔係太恐怖, 不過都幾感人, 我仲睇到喊添...

           上一套令我睇到喊o既戲係怪物(林嘉欣果套), 再上一套係早熟,

           我通常睇親o的同親情有關o既戲, 我都會喊架~ 不過感情戲就唔記得有冇喊過喇!!

 

仲有4套比較耐o的o既戲 :

 

職業特工隊(III) - 都係果句, 租VCD得喇!! 唔夠職業特工隊(I)咁好睇, Tom Cruise老喇,

                              唔好對呢套戲太大期望囉!!

 

黑社會 : 以和為貴 - 都係果句, 租VCD得喇!! 古天樂講國語果度勁攪笑, 同埋任達華個結局好慘...

 

達文西密碼 - 可能本身我個人唔鐘意用腦啦........ 所以我覺得有悶場囉, 真係唔係好知佢想講乜,

                       用腦o既戲都係租VCD返屋企慢慢睇得喇, 費事去戲院睇完都唔知講乜啦~

 

變種特攻：兩極爭霸 - 幾好睇吖, 值得去戲院睇... 我覺得由X-Men(I) - X-Men(III)都咁好睇,

                                       今集完全無冷場囉!! 仲有, 特技比起之前果2集有進步呀~

                                       佢地又幫第4集埋下伏線, 好期待第4集呀~