新年快樂，恭喜發財~!!!!

今年打麻雀打到頂哂癮囉XDD

年初一

阿嫲佢地果邊既親戚過來拜年~!!!!

原來同阿嫲打麻雀，你就算幾認真打都好，

到最後都係輸畀佢.....

臨食飯前，阿叔型到用自摸十三么來完上半場~!!! 厲害厲害!!!

下半場，我都唔執輸，打到一半來個大三元~!! 阿嫲包哂三家...

之後阿嫲越打越有火，密密食，我鋪大三元贏番來既已經輸番哂俾佢，

到最後阿嫲當然一家贏三家啦..= ='''

年初二

上到阿公屋企，當然打麻雀係少不了喇....

第一次打一二蚊，之前最多都只係二五雞，

好彩到最後贏三十蚊離場，

可憐我表哥由頭輸到尾，仲破埋我紀錄，輸百三蚊...= ='''

阿嫲講到一蚊一番，出統俾雙倍，自摸三家俾雙倍既打法，

分分鐘一係贏好多，一係就輸好多....

我打左一二蚊之後再計番，又真係wo.....= =''''''''