成日早訓訓唔著，遲訓但系早醒，自然醒，不過又好攰果種喔。近來神經太緊張啦！

        身邊嘅親人俾嘅壓力從小就無停過，喱種討厭嘅感覺從來都無消失過，一直都圍繞喺周圍，好似星爺《大話西遊》裡面悟空講嘅烏蠅感覺咁。有時好開心遺忘咗了，開心過後發覺討厭嘅嘢又番嚟了，果種呼吸困難般嘅感覺仲變本加厲。彷如壓迫彈簧，放鬆後唔單只回复原狀，而且反彈更甚。咁大個仔都一事無成，忽然覺得驚了，好忽然好忽然。驚慌嘅程度超過喺條街度玩得超開心忽然發覺好多人望住自己，原來系夢遊，仲要系無著褲就出嚟果只。

        曾經有男性朋友同我埋怨，話下世要做女人，做男人太辛苦了。當時覺得好笑，近來竟然似乎有同感了。講得難聽啲，女人再無本事，好運都得了，泊個好碼頭，搵個好老公嫁咗佢。男人咧，無本事難道食軟飯咩？喱家嘢唔啱我。女人肯定唔服我講嘅說話嘎，我知。我唔想投票究竟電視劇《女人唔易做》好睇啲定系《男人之苦》好睇啲，或者家家都有一本難念嘅經，個個都有自己嘅苦衷同無奈啦。

        無論點都好，生活都系要繼續嘅，要面對嘅始終要面對，想改變嘅就諗辦法改變啦。我都系繼續努力諗下點樣先有出息啦。