近排忙於睇病，系俾人睇，懶到唔想寫嘢了，想嘅時候整兩下又唔記得了，可笑。

      今日出街出門時，太陽好猛，諗住唔使帶遮。點知出到朋友度，天色風雲變幻，諗住系佢地度逗留幾個鐘玩，玩完之後，到時走果時未必1定落雨嘅，都未必1定唔落嘅，自己中意往樂觀方面諗呱。走嘅時候，真可謂又驚又喜，天空中嘅云好奇怪吖，1層烏雲1層白雲，咁樣疊咗好多層，千層糕吖，你咁系想落雨定系要出太陽吖。

      去完1號朋友度去2號朋友度，坐3號線地鐵轉公交車。3號線人多到嚇死人，諗下原來撞到rush hour落班高峰了，好似逼罐頭咁吖，人多過香港快追上東京了，呵呵，唔吹啦，無乜好比嘅喱啲。咁死多人，難怪朋友話最怕坐3號線。轉公車之前，去咗華潤萬家買咗兩隻蜜汁燒雞去探佢，去到1人1隻。可惜食藥期間唔可以飲酒，唔系就喋番兩啖喇。

      去2號朋友度搭車途中嘅時候，見到1個中學生靚女妹妹，1有位坐之後就攞個3階魔方出來show quali，暈吖，玩到呼呼聲，點整亂曬都一陣就整番好6面純色，半車人嘅眼球都俾佢嘅魔方吸引住咗了。哎，串喇，哥哥我學緊，未玩到你嘅程度。魔方喱家嘢，真系可以活躍思維無錯嘅。

      番到屋企食粽，隨便寫兩句，準備訓覺。