QOOZA嘅BLOG圈子裡頭似乎有一種程度還頗為之厲害嘅傳染病，病名就叫做COMMENT。

      喱種病毒有若干種變種，例如，CM，COMM3NT，彩色COMMENT，等等等等，但系所起嘅作用基本上都系一樣嘅。

      無論系去人地嘅BLG度睇，定系有人嚟自己嘅BLG度，除咗極少數留言例外，其餘嘅無非就系為咗表示自己有留言到嘅具有廣泛代表性嘅一個“COMMENT”。

      唔該，拜托啦，可唔可以俾啲有建設性嘅留言吖？成日都系COMMENT吖COMMENT吖，除咗COMMENT都系COMMENT，一啲激情或者新意思都無，唔留COMMENT留CONDOM都好吖。

      啲人成日都COMMENT，究竟系懶，唔想寫咁多？抑或系蠢，諗唔到乜？抑或系冷漠，覺得咁樣顯得COOL？咁想簡單咁乾脆唔留侎仲簡單，系侎~？

      但系我知道唔留又唔得吖，人地COM咗你你又要COM番人地吖嘛。COMMENT幾冷都唔緊要，最緊要人氣熱吖嘛。

      人地COM自己又COM，COM咁多都唔知要表達啲乜，搞到後來都唔知為乜COM，難道系為COM而COM？要COM到幾時吖？所以就話系COMMENT病毒啰。

      就好似小方ALEX拍嘅《得閒飲茶》咁，見面后無幾句，唔知講乜好，唔知做乜好，為咗表示最起碼嘅尊重，就唯有“喂，得閒飲茶”，以此嚟自欺欺人，似乎人同人之間就只系“得閒飲茶”。

      人與人之間本來可以有好多話題，但因為懶，因為冷漠，因為怕麻煩，因為好多壞習慣，導致人們互相之間越來越少交流，無辦法有效咁表達自我，導致幾乎忘記如何表達自我，容易迷失自我。

      COMMENT病毒或者正系香港社會主流嘅功利意識嘅一種以小見大嘅反映，COMMENT病毒或者本身危害并無幾大，但系幷發症可能會好嚴重。

      COMMENT病毒嘅氾濫，正系說明不利於人類相互交流而適合COMMENT病毒發展嘅毒害性溫床相當壯大，喱種溫床正系培育心裡疾病以及製造罪惡嘅環境。

      容格（或譯榮格）講過，要積極與內心嘅自己對話，我+我們=完整的我（I + WE = FULLY  I）。人只有清楚自己究竟想做乜，做事先有動力，先唔會後悔，而個人意識只有活躍在集體意識當中先可以得到健全發展嘅機會，人類系群體性動物嚟嘎。