今日唔知點解好糊涂咁入咗去QOOZA嘅論壇遛咗下，發覺都幾多內容下哦。

吹水都啱我嘅，不過近期我無乜好吹；遊戲都啱我嘅，不過睇真啲原來無我擅長嘅遊戲內容，無謂湊熱鬧啦。

見到有個星座論壇，入咗去轉兩轉，發覺好多熱愛星座嘅人發各式各樣嘅帖，有個統計會員星座類型嘅帖有少少意思。

無睇曬全部，無可能嘅事，大概快速咁瀏覽咗啲，發現一個共同嘅特點，就是啲人幾乎（講幾乎吧，因為無全部睇過）都只知道太陽星座。

HK似乎頗多人迷信星座呢，迷信嘛，即系話酷愛嘅意思。尤其系年輕人，友情愛情事業運程等等等等，乜都要參考一下，頗有宗教徒長年累月堅持不懈地對主行禮嘅氣魄。

單講HK似乎有失偏頗，整個潮流社會何處不見星座熱吖。不過果啲只略懂皮毛或者連略懂皮毛都不如嘅人，傳播星座訊息嘅時候，抱住一種娛樂交流嘅心態就好了，否則容易累人累己~，睇嘅人都系~。

我雖然都系略懂皮毛，不過分享啲嘢咁喇。如果有大師唔妥我吖，我收聲啰無所謂。

太陽星座就系只要知道公元歷出生年月日就可以對照得出，喱個唔使講好多人都知啦，喱句有啲廢。

但系仲有好多屬性星座嘅，每種屬性星座都對應影響住人嘅某啲特質，例如太陽星座只系講明本人大概嘅基本性格。

而月亮星座就系對應住人嘅基本情感，大致可以咁講，假設一個太陽星座系水瓶同另外一個太陽星座系雙魚嘅人，如果佢地月亮星座都系處女嘅話，雖然佢地嘅基本性格唔同，但系佢地會發覺彼此嘅情感面都幾相似，都對某些東東有好相近或者同樣嘅感觸。

上升星座就對應住價值觀，或者可以講人生觀世界觀。可以話，上升星座相同嘅人，佢地站在生命所屬嘅高度上來講，追求嘅嘢大致都系果類型，有人中意遊戲人生，有人中意踏踏實實，有人習慣兢兢業業，有人容易隨波逐流。

仲有其它屬性星座，例如金星對應住人嘅愛情觀，水星對應住思維及溝通方式等等等等，由好多其它人出生時嘅因素映射出來。

乜嘢出生地點嘅位置吖，經緯度吖，時辰吖，甚至配嘪科學嘅血性，以顯得更加合理咁樣。

中式有星座命盤等，賣點系神秘嘅中國古代玄學因子；西式有塔羅牌占星運程等，賣點系外國嘅月亮比中國嘅圓。

太多喇，唔咁長氣講了，有太多喱啲亂七八糟嘅嘢，其實娛樂下就好了，唔好太認真。

占星術嘅由來幾古老，而且當中嘅演變過程複雜，因此應該講佢既唔系純科學但亦難以講明佢系偽科學。

如果人類就憑一啲睇落似乎有啲歸納性嘅分類就可以剖析得細緻，咁或者神都要發脾氣了，假如有神的話。

假如一啲人“參數”相近，就說明佢地特質幾相似或者講幾有共同點，咁系侎即系話對付佢地其實做嘅嘢系一樣就得喇？！

喱啲觀念簡直無稽之極！世界上沒有兩片相同的樹葉，更何況系人！兩片低等嘅變化因素低下嘅樹葉都不能相同，咁更加唔使講經歷咁多年生物進化嘅靈長類動物嘅佼佼者人類啦。

假如一對雙胞胎姐妹，出生嘅因素除咗時間上有非常小嘅分別外基本相同，咁系侎說明會有一對非常相似嘅人會出現喺世上吖，唔單只指長相，仲有其它愛好吖氣質吖音容體神態吖人品吖修養吖學識程度吖諸多等等，唔會吧，何其荒謬吖。

喱啲嘢多數都系靠後天嘅培育嘅，一個人嘅生命際遇唔同，對其嘅影響就會唔同。

就譬如從相上來講，相并唔系完全天生命中注定嘅，仲系相由心生，一個人嘅心態系點，就會有對應嘅對相嘅影響，好比一啲通俗話“女大十八變”，“美女是養出來的”（講嘅都系女人— —！一時諗唔到其它）美女除咗食出嚟，仲系修心養性修養出嚟嘅~。

哎呀，越扯越遠了，喱個以後有機再講。星座喱家嘢，用來參考下就好。好比走在分岔路前，要走邊條路或者真系有得參考，但系走在路上，路究竟要點走，終究要睇自己點去走。人嘅特質，始終唔系天注定嘅，人要改變，要變好，要靠自己。