唔知啲人對QOOZA有乜睇法咧？我個人就系咁囖。

有好多廣告？都唔算多吖，廣告系人地生存發展嘅基本，打下廣告好正常喇，無廣告就好快玩完，既系大家都玩完，皮之不存，毛將焉附。唔使錢有得用，做人要知足。

人氣相簿，人氣相簿系好嘢嚟嘅，咁多靚仔靚女輕而易舉俾你發現，偷笑啦~。不過，可唔可以更新得快啲咧，成日都系果幾個人，悶嘎嘛。例如有條粉腸見佢唔順瞅，又要成日見，好為難嘅喔。

人氣日誌，我中意吖，最中意睇日誌了，不過，都系希望唔好系有關係果啲人啦。

啲潮流推介，唔知有幾多人經常留意吖？我份人outday，唔需要喇~，有人需要嘛~。蘿蔔青菜，各有所愛；麵包香腸，齊齊分享。

點解熱門搜索會有【鄧麗欣】嘅？幾好幾好，我中意。不過點解無【方力申】嘅？

日誌嘅草稿管理唔錯，可以保存草稿，唔怕未搞掂時有乜事就可能寫唔番果啲內容了。似乎我啱開通嘅時候系無嘅。不過，好多BLOG同空間早就有喇。

管理首頁嘅產生，無可否認增加咗好友間嘅互動，不過留言通知方面仲系顯得落後喇，EMAIL通知，幾麻煩吖，幾日先開一次電郵。網頁開通一個即時消息通知留言情況得唔得吖？

背景音樂只可以有一首歌，應該系吧？未嘗試過用；隔開幾首歌地址試播，不過應該都唔得嘅喇，有音樂盒最好啦，唔使成日手動換，麻煩。放得幾首都好過無吖。

點解主頁留言唔可以好似日誌留言咁版主有得直接回覆嘎？搞到自己另外留言，好似顯得自刷人氣咁。

統計訪客流量方面，雖然好多其它BLOG同空間都有類此功能，不過顯IP的確算系QOOZA特別嘅地方。

訂閱日誌似乎都系特色，不過仲未試過。差啲忘記悄悄話添，好特色好實用嘅功能吖，連回覆都悄悄的~。

宜家似乎版主可以匿名登入添，啱曬啲偷窺慾望嘅人啦哈哈~。

可唔可以改番我嘅星座稱呼吖，系摩羯座，唔系山羊座吖，老大……。

諗唔到了，講住咁多先，諗到再補充。