| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2009 年 10 月 19 日 星期一  |
| 垮掉的一代 |
分類: 我思故我在 |
曾經睇過一本外國嘅中篇小說《beat generation 垮掉的一代》，當時第一眼見到本書嘅時候，覺得喱個名好型，好有性格嘅書名吖。
但有時候，在生活中，我偶爾會忽然地覺得，我地其實就系如書名所講嘅，垮掉的一代，80后系，90后都系。
有咁樣一句話——唔好將司空見慣嘅幸福當成系必然嘅。
喺古古代，讀書學習系王室先可以做嘅事，喺古代進步啲，都系多咗達官貴人可以嗻。點解？因為如果人民都讀書學習，就會有智慧有覺悟，就會不滿壓迫性嘅統治，就會有能力顛覆統治者。到較接近近代嘅古代，慢慢讀書嘅人先開始多起來，因為統治階級始終都系需要有才能嘅人用，以鞏固其統治。
使讀書盡可能普及到大眾嘅理念，都不過系近現代先出現，恐怕系喺世界上基本結束封建帝制統治之後嘅事，算起來應該只系大約100年左右。喱個系人類嘅思想進步。
但，人類嘅進步要有延續性，似乎唔系一件容易嘅事。我地嘅長輩曾經渴望多讀書，但系無乜機會。
曾經幾十年前，國家戰亂，建國之後就各種天災人禍，著名嘅十年動盪既系文化大革命，搞到國家烏煙瘴氣，盛行“讀書無用論”，鄙視讀書，流行耕牛式（既系落後嘅方式）勞動，同嘪搞階級鬥爭，簡單講既系窩裡鬥，批鬥別人，謀害別人。
大躍進同人民公社期間搞到國家到處饑荒連年，據聞有啲地方仲出現人食人現象，戰亂嘅時候出現過，點知建國之後依然有傳言。
喱啲嘢8090后好少清楚囖，我都系睇書同睇各種媒介介紹知道一啲嘅。
國家真正稱得上生機勃勃開始起來嘅，系30年前國家領導人鄧小平嘅領導班子撥亂反正，結束各種人禍，提倡改革開放。之前嘅艱苦日子裏面無放棄過讀書嘅人，喺恢復高考之後，憑住可以繼續深造嘅機會，改變之後嘅人生。
而有啲人因為各種原因放棄咗讀書嘅機會，包括為子女及弟弟妹妹嘅。喱段期間內地好多人遷徙到港澳地區。
父母因為喱啲各種各樣嘅原因失去咗或放棄咗讀書嘅機會，為嘅系俾個好嘅機會同環境俾我地讀書，以後做個有才能嘅人。
但系年少總系不知所謂嘅，我地有書讀嘅時候唔好好讀，中意流離浪蕩，中意亂七八糟嘅玩意，中意做啲奇怪嘅事，自以為好有型。
但不知前路艱辛呢。曾見網上一句話，感觸甚多。
“曾經，我們可以爲了愛情放棄學業；長大了，我們卻可以爲了事業而放棄愛情。”
我地國家目前還算和平，但我地似乎以為全世界都這樣平靜吧。殊不知好多地方依然戰亂，好多地方嘅人想好好咁運動下，休閒下，打下波踢下波釣下魚跑下步同朋友安心愉快咁吹下水都好難甚至系奢望。
我地有機會運動但系卻要去打機，我地有好多機打但系就越打越悶，我地有人可以為咗啲虛擬嘅嘢去詐騙去偷盜去搶劫，可以為咗所謂嘅裝備去出賣肉體甚至了結寶貴嘅生命，脆弱的心靈。
世界糧食局面緊張，好多地方啲人食唔飽，有啲地方仲好缺食物，而我地可以因為某啲食物味道差啲就倒咗佢，挑食嚴重不單隻仲浪費嚴重，一個糧食唔缺嘅國度居然仲可以出現好多營養不良體質低下嘅青少年。
我地可以為咗少少委屈甚至只系難聽少少嘅說話而去斤斤計較以致經常悶悶不樂，卻不知世界上有啲地方有人爲咗生活可以不顧尊嚴低聲下氣，不顧身體健康與生命危險去做一啲難以想像嘅事情，為嘅就系可以繼續活在世上。
我們實在太幸福了，幸福得發慌，幸福得不知所措。我地如果無咗我地可以依賴嘅好多嘢，唔知我地會系點，我地究竟可唔可以在咁殘酷嘅世界裏面活下來。我唔敢想像我地的國家將來所要依賴嘅我地到時要如何肩負我地嘅民族及歷史責任。
或者，我地真系垮掉的一代，起碼到目前為止系。以後點樣，就睇我地自己嘅了。
|
|
