喱幾日東奔西走，都系忙啲濕碎嘢，但濕碎嘢多起來都系幾惡頂嘅。

濕碎嘢太多了，自己又成日無記性，預先計畫又做得唔好，事情辦得唔多高效。

不過，搞掂就好了，總好過辦唔成。

今日外出后番屋搭公車時，竟然一上車就訓，訓到幾乎到站先醒。好在夠遠，如果幾個站果啲就肯定過了。

醒來睇公交視頻，新聞話，熊貓團團圓圓過臺灣快一年了，即將五歲了，可以進入生育計畫期了。

工作人員爲了熊貓可以順利繁殖，費勁心思為佢地調配飲食同鍛煉身體。吊起啲水果要佢地撲落嚟食喔，有啲似玩貓狗咁。

原來熊貓系喺春天發情，而且發情期大概十天左右嘅喈。

咁少，哦，原來熊貓系性冷淡嘅。

難怪啲精力旺盛嘅男人中意捱夜啦，原來系為咗捱咗熊貓眼出來之後就可以唔使性慾咁強了。

跟住又見到話有個女人喺醫院做隆胸手術失敗就攀高聲言要自殺，攀上高壓塔意圖跳落嚟，理所當然好多人圍觀啦。

頂，無聊。要死就唔好喺上面企咁耐啦，咁耐都唔跳，想解決問題都唔系要咁嘅。你攰唔攰嘅嗻，我本來就攰了，見到你咁樣就更覺得攰添。

番到屋企一沖完涼就訓咗陣先。

夜啲睇犬夜叉完結篇第四話。