阿九同朋友出街，通常都系遊蕩多。周圍睇嘢，但好少買嘢。
有一次，阿九同老陳約出來行街，喺頤高數碼廣場門口等。阿九先到，等咗十五分鐘都未見人，想打電話問情況，點知先記起手機快無電了，阿九無奈了。做事唔周全，通常唯有無奈，阿九只有繼續苦等。旁邊仲有條斑馬線，路過行人不時望下呆呆企喺度好似做‘食蕉’咁嘅阿九，阿九有時想搵條友問下，究竟自己系面上有條蟲定系額頭貼住張大額支票。
終於老陳到了，笑騎騎咁問：“手機無電吖？~點解企喺V字路口咁型嘅？~”
阿九：“我同你講咗門口等，嚟到先發覺大門轉角有個側門，隔得比較近，手機無電又怕你唔知我喺邊個門口，索性企喺路口位置囖。”阿九做事總系一時大意一時謹慎。
兩人一齊入去頤高，老陳買咗啲WII遊戲碟出來，老陳算系個遊戲迷。
然後打算再去步行街逛下，要行過2條街。行下行下快到嘅時候，阿九聽到一聲motor尖嘯，老陳即刻話：“快啲睇下，林寶堅尼吖！”
阿九當時低頭慢行，部份思緒諗緊其它嘢，聽到老陳叫，速度抬頭望，眼前果然有一部黃色嘅敞篷林寶堅尼開過。咁系喺鬧市好少見嘅，而且因為喺鬧市多人，唔似高速公路，所以佢系開過，而唔系飛過。
窮人嘅仇富心理不自覺咁浮現出來鳥。阿九話，一睇就知系啲敗家仔二世祖揮霍緊老豆啲錢曬命啦~。
跟住部林寶堅尼……應該講果位二世祖老兄，做咗一件更加令人掃興嘅事。阿九同老陳之後就用來做笑料，仲講咗兩句鄙視佢嘅話。
然後阿九同老陳講，佢有個小時嘅朋友，喺網絡個性簽名度曬命，寫上“喺澳門俾我見到部公路之王林寶堅尼吖”。喱句話有兩重曬命，一系表明自己去過澳門，二系表面自己親眼見過林寶堅尼。
俗，阿九系不屑喱句簽名嘅，見過林寶堅尼又唔系揸過林寶堅尼，超，去過澳門，阿九去過HK添啦。阿九都俗。
阿九話俾老陳知，如果果條友喺聚會嘅時候再曬命又講喱句話，自己就會同佢講，“你有無試過喺步行街旁邊見過林寶堅尼吖？！同嘪你有無見過林寶堅尼等紅燈先~？！”
講完，兩人哈哈大笑。旁邊經過放學嘅兩個學生妹妹聽到都笑鳥。當時阿九同老陳講鄙視車主嘅話就系，“頂！喺鬧市揸林寶堅尼就唔好等紅燈啦！系我就繼續開了，俾唔起罰單錢吖？！~”
正如子黃哥喺07棟篤笑裏面講嘅保時捷塞車咁，人們都會覺得揸保時捷無話唔樣衰嘅。當時我地對果位二世祖老兄嘅第一感覺就系，樣衰~。
|
