喱幾日咳得太厲害，食藥都唔見效，於是要輸液了。

        宜家啲醫院護士太唔掂了，吊咗3日針，3日都系唔多順眼嘅護士應酬我，無錯系應酬我，哎，BL。

        第一日嘅姑娘同我打針時邊打邊不停咁嬉皮笑臉同旁邊嘅護士吹，我當時真系擔憂佢幫我插針諗到啲好笑嘅忍唔住失平衡，送我一個‘開年滿堂紅’。當我望見果件染住一噠噠藍色液體嘅護士服裙時，我好好奇果啲系乜嚟嘅。不過無論系乜都系說明，喱個護士做事好隨便，太唔注意細節了。我幾怕啲隨便嘅護士服務我，因為我有輕微潔癖，怕佢唔講衛生。好彩佢幫我打針前都記得消毒，否則我可能會發脾4了。

        第二日嘅護士，唔系姑娘，系個麻粒佬，額，準備講系個男人，幾斯文嘅，唔麻粒。男人做護士，少見……不過唔可以歧視職業性別嘅。雖然男人多粗魯，但有例外嘅，要相信人地。不過當我見到佢工牌上嘅‘實習’二字之時，我有啲恐懼會唔會又系一針搞唔掂果只吖。佢幫我插針時手好輕微震咗一小下，嚇咗我心一小跳。我未試過俾人一針搞唔掂，但我唔知點解會好怕發生。事實上無事。

        第三日個護士，其實開頭無乜嘢嘅，就系衰在拔針嘅時候。由於我遲咗啲拔針，有啲血迴流，第二日都試過有啲，男護士嘅做法系加大流量寧僅剩嘅藥液快速沖管壓回血液，而3st護士喺我提醒咗嘅情況下仲系直接就拔針了，搞到我血濺當場，雖然只有幾滴。哎，太噁心吖。

        而三位護士有共同嘅瑕疵，就系撕走膠布嘅時候選擇嘅方向唔好。由於本人手毛較多，手背上都有啲，佢地撕嘅時候應該順住毛生長嘅方向從毛孔向毛尖方向撕去膠布嘛。而佢地都系反過來撕，動作慢啲仲好啲，遇到快手嘅真系拔毛吖。哎，喱個，諗起都覺得痛吖。連我喱個外行人都明白嘅事，即使你地學習時老師無教到，工作咁多次都應該總結到經驗了吧。

        近幾日咳到我發聲都困難，失聲到半個啞巴咁差唔多。搞到我心血來潮時無得唱歌又無得哼歌。不快至極。諗下，原來平時覺得習以為常嘅嘢，當失去嘅時候先覺得可貴。幸福無不如此。記起咗網上一句話——（普通話押韻）幸福是什麽？幸福就是貓吃魚，狗吃肉，奧特曼打小怪獸。

PS：奧特曼，OUTMAN，超人迪加之流。