阿九嘅朋友阿四開咗間鞋店仔，諗住學下做下生意。
阿四去過澳門打工，番嚟做過港資公司客服，捱過餐飲業服務員，上過北方城市出差做小主管，都算系一個小有歷練嘅人。
阿四叫阿九嚟睇下佢間新鋪，話俾阿九知大概地址。阿九途中電聯阿四，“果度好唔好搵嘎？要唔要兜來兜去嘎？”
“你嚟到個街口一直行入嚟就得啦，大概三五十米咁就見到我啦，得一邊有鋪，好細好似地攤咁嘅。”
……
阿九去到果條街街口企住咗，望入去，裏面嘅鋪位都系細到得十幾平方米，難怪阿四話好似地攤咁。
阿九一邊行入去一邊望住啲鋪面， 一見到阿四就OK了。但系一直行一直望住，越行越入都無見到，行到快一百米了，覺得唔妥，就掉轉頭往回行。
行咗無幾步就見到阿四了。阿九高興了，開口就爆粗：“diu，頭先見唔到你嘅？”
“啊，你到咗啦！我頭先都無見你吖。”阿四見到阿九驚喜道。
“我就啱行過咗嘖喔，行咗過籠，頂，我都無見到你吖。”
“哦，可能我啱先峁低咗一下攞貨呱。”
阿九攰了，坐咗落嚟，個檔口得兩張凳仔，連一張可以坐得爽啲嘅凳都無。賣嘅貨比較雜，有女裝涼鞋，男裝皮鞋，男女裝波鞋等等。阿四同阿九大致講咗下佢嘅經營流程同方案，問阿九覺得點。阿九覺得無所謂點，唔識講，因為初入行摸住石頭過河，好多嘢都系慢慢調整比較好。
阿九同阿四喺度閑談，此時鋪前經過兩位妹妹，一個MM望住啲女裝涼鞋講：“啲女裝鞋好醜吖。”
阿四同阿九無語且無奈對望一下，阿四尷尬笑咗下，講笑鬧道：“邊夠你地醜~。”MM們已經走遠咗。
阿九接住話題講笑：“著落去就唔醜嘅啦~。”
阿四唔明：“講啲鞋定系人先~？”
阿九：“都系囖。負負得正吖嘛~。”
一瞬間沉默，阿四同阿九對望，然後系一陣爆笑。
再閒談咗一陣，阿四有來電。阿四通完電話，話俾阿九知，等陣ALEX同佢FD過來。
ALEX系喺廣州出世嘅HK人，後來移民過去嘅。大約一年前阿九同佢喺體育館籃球場見過面，一齊玩過一晚。ALEX系喺阿四仲做緊咖啡廳服務員時飲嘢認識嘅，喺港島做嘢，因業務原因近期被派番廣州分部駐留。
to be continued……
|
