| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2010 年 4 月 27 日 星期二  |
| 阿九&阿四在店內 |
分類: 阿九外傳 |
阿九去搵阿四，阿四開咗間鞋店。一年前見過面嘅波友ALEX準備同佢嘅FD來鋪面看望。
阿四阿九閒聊咗一陣，ALEX同佢FD終於來了。ALEX一見到阿四后雙方互相招呼咗幾句，嘻哈爆咗幾句粗之後，ALEX就轉過面來笑住點頭同阿九打招呼。阿九笑住回話：“HI~仲記唔記得我吖？”
“梗系記得啦，一齊喺天體打過波嘅嘛。”
“哈，你仲記得吖~。”
“梗系~。“
ALEX同佢FD坐低落嚟，佢FD同阿四阿九打招呼，自我介紹，佢叫BEN。BEN同ALEX一樣，都系廣州出世後來移民過HK嘅。
ALEX同BEN系隨便來睇系有無睇啱眼嘅鞋嘅。如果有，阿四作為一場朋友可以平到將近摞貨價出手。最後佢地都無要到，因為阿四啲貨比較次。阿四啲波鞋本來就系老翻，即系HK所謂嘅A貨，但系仿得唔好質量麻麻，充其量只能算‘B貨’~。ALEX唔系想要喱啲，佢曾經見過阿四著一對高仿嘅A貨波鞋，仲以為系堅嘅，佢系想買對果種著嚟行路。
大家坐咗陣閒聊，阿四提議玩鬥地主。阿四自從玩開鬥地主就上癮了，連上網都要玩鬥地主。阿九玩鬥地主水平麻麻，不過ALEX同BEN都同阿四咁比較擅長，ALEX仲一邊玩一邊閒談講HK嘅玩法有咩唔同。
玩到差唔多，ALEX同BEN要走了，仲要番去巡視業務。阿四阿九不免心諗系侎偷雞出嚟嘎~。阿四提醒阿九同ALEX交換TEL，因為上次打波ALEX話要交換TEL，後來大家都忘記咗。
ALEX&BEN走后，阿四覺得無聊，又無得鬥地主，阿四就教阿九玩‘遊戲王’。阿四隨身帶咗一疊正版牌同兩疊老翻牌，本來就準備等阿九嚟教阿九玩嘅。
阿九從未玩過‘遊戲王’，雖然喺中學時代已經早就聽講過喱個名了，知道有個咁嘅CARTOON，但從未接觸連基本嘅嘢系點都唔知。
阿四一輪嘴唔停咁講咗一大輪，外加演示，阿九勉強明白玩法，然後開始開P，阿九用老翻牌裏面揀出嚟嘅一部份對住阿四嘅正版。
到阿九嘅回合，阿四揸住手上嘅正版牌搖來搖去，背面有閃光面部份。然後阿四用一副嬉皮笑臉嘅表情問阿九：“系侎好閃呢？系侎覺得頭有啲暈影響思考呢？正版嘅就系有咁嘅好處啦~。”阿九望住阿四笑，佢突然發覺自己好耐無見過阿四咁天真無邪嘅表情了，覺得大家又好似回到小時候。系侎人大咗，磨練多咗，就註定要變得，應該講被變得圓滑世故，帶上虛偽嘅面具做人呢？
阿九正諗緊喱個問題，沉浸喺仿佛回到小時候嘅感覺時，阿四催了，“快啦，諗掂未吖。”
喱個時候，阿四電話響了，喺阿四條女盈盈打嚟嘅，準備送飯嚟俾阿四食了。
阿九笑望住阿四講：“羨煞旁人啦~。”阿四笑咗下，然後風趣咁拍咗下阿九手臂，扮出一副一本正經嘅樣勸阿九，“努力啦，努力啲， 你都得嘅，唔好羡慕我~。”
TO BE CONTINUED……
|
網主回覆
呵呵~我諗你回覆兩篇嘢嘅留言錯調咗了吧~ Posted at 2010-05-06 05:28 PM [ 編輯 ] [ 刪除 ] |
|
