| «‹ December 2018 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2010 年 5 月 17 日 星期一  |
| 夏天來了吧 |
分類: 我思故我在 |
熱死了，夏天到了吧。
夏天應該到了，因為我不得不開冷氣鳥。
雖然我中意水果之一哈密瓜仲未蒲頭，但我中意水果之一菠蘿宜家上市了。不過宜家啲菠蘿仲未熟透，無果朕菠蘿香味，不過前兩日都買咗件嚟過下口癮。
又可以游水啦。哎，準確啲講系玩水先啱，因為本人不甚識游水，遊得好慢，算系勉強唔會沉果只嗻。
長隆已經開咗啦，遲啲再去玩番轉先。廣州番禺長隆水上樂園歡迎你！哎，幫人免費打廣告添……
雖然夏蟬仲未浦頭一展歌喉，但從我喺床上翻轉嘅次數推斷，我確切地認為夏天已經到了。因為對於一位單生嘅男性而言，夏天喺綺夢最多嘅時候，所以翻轉嘅次數亦隨之增多。
關關雎鳩，在河之洲。窈窕淑女，君子好逑。
夢寐求之，輾轉反側。起床照鏡，頭髮亂鳥。
前幾日買咗架紅色折叠腳踏車，打算夜晚食完飯就踩出去溜一圈。今晚就來咗次初體驗，效果還算滿意。長此以往，我喱幾年間不知不覺形成嘅‘水果布甸’肯定可被消滅，還我翩翩體態~。
哇哈哈哈哈。真系諗起都興奮。英俊瀟灑，羨煞豬扒；玉樹臨風，心情輕鬆；風流倜儻，雅俗共賞；英華絕代，實屬無奈。
哎呀，自戀病毒又來入侵我啦，要食藥啦哈哈。
噢，希望果啲開冷氣嘅人記得唔好開太低破壞環境吖，雖然2012快嚟鳥，但未必死嘎，無有使驚~。
|
|
