| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2010 年 6 月 13 日 星期日  |
| 阿九認識布萊恩 |
分類: 阿九外傳 |
阿九喱日覺得無所事事，雖然好似好多嘢要做，但又一時諗唔起要做啲乜，就去阿四鋪頭搵佢。
阿四間鋪近來生意唔多好，因為果條街正系旺丁唔旺財，而且店鋪之間競爭貌似都幾激烈。街頭有幾間鞋鋪，其中一間裝修到好似迷你專賣店咁，都幾多人流，多唔多成交量就比較難以捉摸，都對阿四都影響唔少。另外仲有一間，個老世好中意玩‘無間道，，成日走去其它鋪扮客人打探競爭對手啲價位，搞到後來其它鋪老世都認識佢了。
阿四近期又同GF吵，佢兩個成日都為啲亂七八糟嘅小事吵，主要系兩個都太有性格，或者講兩個都太想對方認可自己嘅意志，想彼此按照同樣嘅一種觀念對待面對嘅好多嘢，所以就經常鬧矛盾。
阿四平時為人系幾講究體面嘅，對人斯文有禮，但一旦發起脾氣來就會比較暴躁。以往每次電話同GF吵完收線后，就DEN手機，每次都DEN爛，即系講每同GF吵完一次就損失一台手機！喱次阿四一邊講電話一邊破壞，踢爛咗一張凳同街邊一個垃圾桶，搞到跟住環衛阿姨都來問咩事。對上一次，阿九就建議佢以後買平啲嘅手機，咁樣即使每次發脾四DEN爛都唔會損失嚴重。阿九仲同阿四講，咁有米不如每次吵完交就捐啲錢俾我算啦~。阿四同阿九講，佢唔知點解同喱條女先會咁，佢同以前啲女系從來唔會咁發脾氣嘅。
後來阿四GF盈盈來鋪頭，阿四走去隔離鋪走，兩個人無乜交流，留低阿九應酬盈盈，搞到阿九都幾狼狽，又要搵話題講，又要諗邊啲說話唔講得嘅絕對唔好提。盈盈就同阿九埋怨阿四啲事，阿九就更加狼狽，阿九要經常同自己講，多聆聽，少說話，病從口入禍從口出吖。最後盈盈準備要走時，貌似又想同阿四計較下電話裏面啲事，阿九呐呐啉同佢地講，有乜嘢番屋企先講啦。
阿九去阿四鋪頭，都系玩下傾下偈多，唔算太有益嘅事。但今次例外，因為阿四有個外國人朋友要嚟探望佢。個Foreign Friend喺之前嚟阿四鋪面睇鞋買鞋時認識嘅。阿九本來打算早啲離開，聽阿四咁講就諗住留低會會個FF。
等到晚上十點幾時，FF終於來了。FF同阿四寒暄咗幾句，見到阿九，就同阿九打招呼，并主動伸出手準備同阿九握手。阿九有啲意外，因為阿九印象中嘅外國人系比較矜持嘅，而且阿九其實系比較唔喜歡同人握手嘅，老套吖，但都系禮貌咁同FF握咗手。FF用english自我介紹佢叫‘brian’，緊接住用還算幾標準嘅mandarin解釋一次‘布萊恩’，阿九再次驚奇。
阿四同阿九解釋，布萊恩系美國佬，仲細我地幾年，喺中學做緊實習英語外教，識聽部份同識講少少普通話，不過仲未學習好，但唔識cantonese。布萊恩又同阿九講佢仲起咗個中文名叫‘南虎’，阿九第一次未聽清楚個名，布萊恩又重複，阿四用英語在旁解釋‘south tiger’吖。
跟住阿四講咗個關於布萊恩嘅小笑話俾阿九聽。有晚布萊恩去士多買嘢，開始系用英語交流，士多老闆居然識小小。然後布萊恩臨走時覺得夜了又想show啲mandarin，就同老闆講‘晚安’，老闆未反應過來，就問‘what?’— —！
然後阿四同布萊恩閒聊一下，阿四簡單咁講俾布萊恩聽佢同GF嘅事，埋怨下GF。布萊恩笑佢唔讓住GF，仲講笑對住阿九笑指阿四系‘bad guy’~。阿四笑咗下，突然來個‘神仙摘茄’‘襲擊’布萊恩，阿九有啲意外，布萊恩幾玩得，無唔高興之餘反而貌似有啲高興咁用同樣招式反擊阿四，但兩人都無摘到對方嘅茄。阿九見咁開心，就想同布萊恩解釋喱個招式，但阿九口語水平有限，‘神仙摘茄’比較難解釋，就用咗‘猴子偷桃’代替：In chinese it's call ‘the money pick the peach’~。布萊恩顯然未聽講過，但覺得幾搞笑，就笑指自己講‘money’緊接住又笑指阿四講‘peach’，阿四笑住用同樣方法還擊。跟住布萊恩話喺學校都試過有學生用喱招同佢套近乎~。
路邊嘅行人見到都覺得幾搞笑，本來喱條街開鋪嘅都系啲草根階層，應該無乜人識講英語，誰知有間鋪有個鬼佬之餘仲有兩條友同佢打得火熱。
收鋪之後一齊走人，先知道原來布萊恩要喺地鐵口接女友。大家一齊去到地鐵口，見到布萊恩落去之後領女友出嚟，佢女友睇落似中國人，阿九就問布萊恩佢女友系侎chinese，佢女友笑下唔出聲，布萊恩笑住話japanese，阿九覺得佢應該系講笑唔信，就話I know she's korean，大家一齊笑，佢女友始終未講過話。
去車站坐車，夜了要坐夜車，阿九問布萊恩佢地點坐，阿四就答話，布萊恩又笑佢，就用mandarin講‘不懂裝懂’，阿四笑贊布萊恩又識多一個成語。阿九覺得布萊恩直率，就問佢攞個網上聯繫方式，QQ或MSN號，阿九以為佢會俾MSN，點知布萊恩俾QQ號（內地都系QQ流行啲）。阿九話要同佢交朋友，布萊恩確認問一句，接住竟然出乎意料馬上擁抱阿九，搞到阿九有啲不知所措咁一齊擁抱，how the american fervent is !
阿九番到屋馬上加布萊恩，布萊恩初見面時講過‘nice to meet you ’，喺網上又再講多一次，好熱情。布萊恩系阿九嘅第一個正式嘅外國朋友，雖然曾經阿九喺書店工作過嘅時候都認識啲外國人，但始終都系客人。阿九好高興認識布萊恩，阿九第一印象覺得布萊恩系個率真嘅人，值得交朋友，而且以後阿九多啲同布萊恩交流，仲可以提升阿九嘅英語口語能力。
|
|
