有人話，煩惱都系自找嘅。我覺得講得啱，即使唔系全對，都對一大半。
成日都覺得喱樣煩，果樣唔順。認真諗落，都會發現多少‘天下本無事庸人自擾之’嘅蛛絲馬跡。
一個人嘅際遇，好大程度影響咗佢嘅思想，而一個人嘅思想又反過來好大程度咁決定佢嘅際遇。周而複始，沒完沒了。
大概因此，先會有窮人越窮、富人越富、幸運者更幸運、倒楣者更倒楣嘅趣怪事。看似荒誕，其實内裏隱藏住芸芸眾生所應承擔嘅冥冥天意。
要明白其中奧妙，就要有洞識各種因果聯繫嘅超凡見識力，即系所謂嘅悟性。
於是可以講，一個人改變身邊事物能力嘅強弱，同佢擁有嘅悟性有好大關係，亦即系覺悟力。
有覺悟力未必一定能夠改變身邊事物，因為還需要相應嘅能力，但無覺悟力就連相應嘅能力都無從談起了，因為無得發揮。
有覺悟力同相應嘅能力都未夠，仲需要一定嘅運。運氣中包括‘運’同‘氣’。氣，氣指氣量，同覺悟力系相通嘅，氣量大而好嘅人，覺悟力自然相對高。當然，前提系要有一定嘅思想素質。
氣唔夠，運唔到，即使有能力，做事都多系庸庸碌碌。不甘心者，做事牽強附會，亂搞一通，只會搞到運亂而氣衰，一塌糊塗，亂七八糟，雪上加霜。
所以，做人要有覺悟、要大量。運到氣足，自然有機會發揮自己嘅能力去拼搏。
何必爭一時之意氣長短？小雞肚腸鼠目寸光嘅人，都系庸人。偏偏系我阿媽……
哎，天下本無事，庸人自擾之。庸人不單自擾，仲要擾人……哎，天下本無事，庸人愛擾之。
咁又系為何？下回分解。
|
