| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2010 年 8 月 8 日 星期日  |
| 承諾 |
分類: 我思故我在 |
唔好輕易承諾啲乜嘢。
唔好輕易對人地承諾，更加唔好輕易對自己承諾。
承諾系雙刃劍，可以利人利己，亦可以傷人傷己。
承諾系好嚴肅嘅事情，承諾系關係到自身嘅形象同信心。
對人地承諾，就要做到，否則就俾人信口開河靠唔住嘅感覺，令人討厭；對自己承諾，都要做到，如果唔系就會好鬱悶，打擊自信心，討厭自己。
承諾得多，就要付出得多。付出唔到，就變成傷害，食言越多，傷害就越多。因為承諾嘅嘢都系關乎承諾對象嘅切身利益。
不妨將承諾嘅對象換一下，可能會有意想唔到嘅效果。
對自己承諾嘅說話，講俾人地知，人地可以幫忙督促你。幫忙督促你記住對自己承諾過乜嘢嘅人，系唔想你自己討厭自己。喱啲就系朋友。
對某啲人嘅承諾說話，將其講俾其他人知，人地同樣可以幫忙督促你。前提系唔好講俾啲無事生非顛倒黑白嘅人知，講咗，你嘅兌現之路就變得漫長而險阻。
或者，對人地承諾嘅說話，可以將其放在心裡，少說話多做事，意外驚喜比滿懷希望而失望要好。心理面有對人地嘅承諾，可以鞭策自己，又唔使擔心人地會俾壓力自己。
承諾系一種自我激勵，所以唔需要多，唔好好高騖遠不切實際，要一步一個腳印咁來做。
承諾始終有壓力，受唔住壓力難免有時會選擇性遺忘。大概古人刻座右銘就系為咗擔心會將承諾遺忘而想經常放喺眼前吧。
因此說，格言都是為承諾而生的。一個人無目標，就無需要承諾，唔需要格言。
承諾了而做到了，就會有成就感。有成就感想同人分享，就出現了格言。
即系話，一個成功嘅承諾，會因為人有所追求而引出許許多多或成功或不成功嘅承諾。
喱啲系侎就叫星星之火可以燎原呢？
人嘅心中只要有喱團火不滅，人永遠都會有目標有追求，或成功或失敗，喱個世界無時無刻都會有各種各樣嘅承諾誕生與滅亡。
所以，承諾并唔可怕，無論成功定系失敗。可怕嘅系，唔敢去承諾。
|
|
