今日係家長日...

係上午..本來我心情都幾好既..

因我去買左一支旗..

但係係下午2點鐘後....

我本來係1點40分去見家長...

但係2點先見到...

之後我見到我d成績...

唔想多講啦...

我整個人都冇心情...

大家唔好以為我d成績好差....

只係普通....

你地一定想講...

普通都幾好呀...又唔係好差...

但係....我一時之間接受唔到....

之前係小學我d成績良好...

嫁陣趺左落去普通...

雖然話小學同中學d課程唔同,難左...

我又唔係好適應都中學既生活..

但係我覺得都係我自己冇努力溫書既後果...

唉...心情好down呀...

唔想理任何野....

今日真係好黑呀!!!~

今日我照平時去搭K73返學...

佢一開車個陣...

架車已經好唔妥...

點樣唔妥??

你有冇搭過架車行緊個陣個引擎係咁響

係咁震呀?

佢行行下..去度路中心整架車震左一下..

嚇死我啦!!~之後佢就停左落黎...

個司機CHECK左一下發現死火就叫車黎..

但係黎左幾架都係迫爆人既...

之後就有人話...

叫車就咁係叫D空車黎啦!!~架架都迫爆晒人!!~

呢句說話真係冇講錯!!~

當時真係好想用手機拍低佢..

上載YOUTUBE,標題寫:巴士死火,市民等車等到搵司機講數

但係個陣冇手機-.-...

真係可惜....

今日真係好驚遲到...

好彩第三架車我係咁迫上去...

先冇遲到....

呼..真係黑仔中有D好運呀-.-""

今日..我又被個幾條粉腸拉左去打羽毛球...

琴日打完羽毛球已經好攰..

今日打完後...

對腳同手都好痠痛...

聽日一定起唔到身啦...

今個星期六日我一定唔會再去打羽毛球啦!!~

我要係屋企好好休養一下...

係屋企訓下覺..

玩下電腦,,,-.-

幾嘆呀!!~哈!!~

今日,下午四點..

我俾一條粉腸打電話黎嘈醒左..

佢擾人清夢地將我從甜美既下午覺拉左出黎...

佢條粉腸就係susan so蘇瑋珊蛋散...

佢同黃思穎叫我去打羽毛球..

我話ok冇問題..

我都俾佢地嘈醒左..冇野做,奉陪下佢地囉..

結果去到打左冇幾耐羽毛球,我整個人已經散晒...

why?因為去到係咁吹水講笑...

笑到我連呀媽都唔記得係邊個...

笑都我肚痛到呀爸唔知姓咩...

本身打羽毛球已經好攰...

俾佢地係咁講笑吹水..

搞到我身心疲累...

唉..真係搞笑既一日..哈哈!!~

今日有一日有一個好消息同一個壞消息..

好消息既係今日我問過老師...

老師話我IS合格呀!!~好HAPPY..

雖然應該好低分...但係好過唔合格呀!!~^.^"

壞消息既係我中文聆聽唔識-.-

好難呀!!~並唔係我耳仔聆聽有問題...

份卷真係幾難下!!~同個錄音聽唔到個重點囉-.-

講下講下..講下琴晚先...

琴晚我訓覺時發左個唔知算唔算惡夢...

竟然夢到我下個星期二(1月19日)返學...

上音樂堂個陣唔記得帶美樂笛(即係有支管吹氣入去..個鍵盤好似鋼琴既)

之後5點幾醒左..都唔知係被個夢整醒OR凍醒左囉!!~

聽人講現實同夢境係反轉既...

希望係咁啦..-.-好驚星期二真係唔記得左帶呀!!!~

PS:留個cm俾我XD...(因為實在冇人會留-.-)