今日係學校果到，未放學之前就幾開心好笑下既。係音樂堂，我地唱歌考試，我同思詩，諾敏一組，唱“藍鞋子”。都幾順利下，但係因為唱果陣班男仔係到睇住哂，搞到我地三個手震又腳震，再加埋天氣冬冬地，更加震”。全部人唱哂之後，王鵬佢地話要唱多次，不過今次唔係唱“真的愛你”，係唱“無賴”。全班男仔係咁大叫－．－”好支持佢地咁。佢地都唱得唔錯架∼。　　　　　　　　　　　　　　　　　　　　　　　　　　　　

　　　之後到放學，我同思詩參加左個歌唱比賽，我地練過好多次，練得好辛苦。諗住要唱果陣，佢地竟然放唔撚到隻歌，好頂唔順囉。之後我地搞左好多野，樂儀佢地就無神神同我講我地俾人ｏｕｔ左，今次仲唔激撚死我？果陣我心情真係ｎ咁差，落到去下面，見到華女佢地，佢地係咁講，我既眼淚就流哂出黎。勁唔開心囉，佢地一至同我講“呢ｄ係遊戲”“今年唔得下年再參加”之類既說話。但係我就唔認同．．．直到而家，我仲係勁爆唔開心。