第三日 五點鏡就起身睇升旗..因為我地係係禁區睇升旗..
因為祖國對港澳台地區的學生特別厚愛..所以先可以係禁區度睇..
其他人想入都入唔到去ge..過左時間就唔比入ge啦
所以唔可以遲到..係地下遂度等左一個鐘度..見到d軍人行過..
又真係几型仔下..
到左七點多到..我地先走到去禁區度睇升旗..
望住好遠ge地方站住好多人..而我好就站左唔夠二百米的地方處睇..
覺得自己好幸運呢..同埋見到咁多同胞睇升旗都可以感受到佢地几愛國>v<
當升旗儀式開始..馬路就開始封路..隊伍從天安門過橋再過馬路走過來
聽住國歌..我堅持用直立式睇..隻手要放左大腿兩旁..手都快凍僵了..
望住國旗升起.聽住國歌播放..當然無在電視機看到有強勁的風吹起國旗.
國旗只是微微的升起...沒有感動的感覺..但我沒去的話就一定會違憾!!
因為只有今次的機會能這麼近距離看升旗呢..
然後我們再回到酒店吃早餐..見到有d人因為唔知醒去唔到..佢地好似有d想喊呢..
下午出發去寶樹堂..
寶樹堂d sales講到d產品好得..搞到我好多都想買..
但係樣樣都起碼二百蚊..所以我淨係買左一個"麝香壯骨膏"同"复方梓腦乳膏"
兩樣都係買比媽媽...去旅行d錢就咁無左一半= =
然後我地就去左行長城-居庸關.
長城無我想像咁殘..我還以為真係唔行得人添..
原來都几好..不過有d梯級都几高下..
我行到第三個...是關口嗎..之後就覺得唔夠時間..咁就無繼續行..返返落去囉
然後我地就去食中午飯..
之後再去左頤和園,係慈禧太后住的地方..
地方好多靚.好有山水feel..
o個時天色已經開始暗..明明都只是五點多就已經天黑了呢..
第一次feel到個天原來黑得咁快..
然後食晚飯o個時..
帶來了几個勞校的師兄姐黎同我地一齊食飯..
其中亦包括讀緊廣告系的梁倩俞師姐..
同佢傾左一陣...我讀廣告的是設計方向..搞到我好擔心自己能否考上..
及讀完後出路如何..後來還是留到師姐的msn...這些待找回到澳門才算吧..
回到酒店後便去了孫+region間房度幫+2移d相落我部相機張記憶卡度..
因為佢地要落去買野食..好快就趕左我走..
無無聊聊..咁我就返返房..
打算煮個公仔麵去阿勉o個度食..
點知阿麵話請我食cup noodle..佢又食埋一份..
我要攞我d熱水比佢.又要拿筷子.
加上我有偷到中午飯飲淨o個枝可樂飲...
又要拿埋支可樂過去.又要攞杯.o個時芷君又唔係房度喎..
勉又堅持要關門..搞到我係兩間房度不斷穿插同叩門..
食左公仔麵之後..我就覺得好累..係勉+敏間房個梳化度訓著左..
等到芷君返黎再拉返我走.....
最後一點几就訓左啦好似..
之後o個日要七點半起身呀好似..
..............................................................
