又過左一個大測周..我都覺得我呢個大測周有點頹..

因為無之前花咁多時間..亦訓多左..

但星期六最後大天的大測後..下午就要去返工..

今次有埋沙魚一齊去做..因為個野寫錯左我個名..

所以當左我係新人咁編我同沙魚一齊做後欄..

一開始還以為係廚房的地方..原來係宴會廳走出黎拿水ge地方..

皮佢地就照做返傳菜...

今次係跟"dinon"(?)..佢份人都几nice..不過講d廣東話我唔係好明..

個個都認為做後欄好輕鬆..行過都講"你有得做後欄超好啦"..

咁事實上又真係無乜野做..又無傳菜傳到隻手咁痛..點解我次次都咁好彩..

但係呢...呢個職位..就真係太閒啦..閒到dinon係咁找野比我地做..

去擦杯.加水.睇人攞毛巾.拖下地.推下車.收下野咁........

當每個人都好忙咁做野o個時..我就閒到唔知做乜好..又唔可以無野做..

因為我地一無野做..dinon就可能比人鬧.

咁我就不斷重覆找野比自己做..睇左n次d水瓶洗唔洗加水..地下有冇水..

但係係咁找野比自己做都几煩..

同埋當個個都好辛苦咁做野時..自己就無無聊聊咁逼自己找野做..

感覺上大家都係收一樣ge人工..我就係d打雜咁行黎行去..自卑..

無野做時ge時間真係過得好慢..

睇住人地係度偷食..我無份做我又係几好意思..但最後都有食到ge~~

臨結束o個時還要比"尖屎"串我..頂佢.

之前佢見我兩手空空叫我去幫手

..咁我未打算去幫手囉..點知發現我未攞盤..

未返轉頭囉..佢又話"做咩又兩手空空呀"

我未話我未攞盤囉..佢就話"你都知未攞盤呀,十下十下"

..fu..講到自己好似一早知我未攞盤咁..

我都有少少明點解小欣欣會成日都爆粗..出黎做野真係好想爆粗ge喎..

收十二點半..但就要成點半先有錢收..其他几條女個個都有約..

都成零晨還同人出街..世風日下,..

搞到我好似好慘咁無人約= =..

咁找埋榮昇班友一齊放成三點先返到家..哈..聽日還要八點起..

=v=......唔打緊掛..

~~~~~~~~~~~~~~~~

還有想講ge就係..小欣欣你要相信友誼係堅固.不易拆散ge..

就算我地之間ge結疏左..只要拉一下..我地ge結依然堅固好嗎~~

我地大個左還要成班師奶走出黎傾返年輕ge時候有几傻不是嗎^^

想哭便哭呀..找個沒人的時間大喊一場..

才不要擔心自己究竟有几蠢..點解可以為左d咁ge事都可以喊一餐..

"哭過了才學會堅強"

.....................................................................................