就是比賽唱校歌+一首算選歌曲..
我地高三的今日唱..其他班好似12月12日唱..
我班自選的是"龍的傳人"..
雖然一點都不想選這首歌..因為憶起重慶唱龍的傳人的回憶..
但之後練練下..又接受返首歌..
但係我地班真係練得很少呢..在此發表下我的不滿..:
林葆健都沒有幫我們練歌呢..明明別班一早便開始練..
佢直程遲到連我地都問佢几時先開始練..
o個時已經淨返最後一個星期..最離譜係佢理都冇理過我地點唱法..
次次練歌佢都唔比意見我地..又冇乜點聽.由得我地搞..
如果唔係盧國勇真係會練唔成..盧國勇又真係冇發過脾氣o個下好..
超好急耐力..比著我一早就鬧人了..
阿sir淨係識叫region同孫建強帶頭...起勢逼佢地出黎..
淨係做左咁多野而且..佢又唔諗下..係叫都叫全班啦..
淨係叫人出黎領唱做乜鬼..我地係集體好唔好...係咁有心ge就留弟陪我地練啦..
雖則話佢煩緊我地畢業旅行d野呀.咁隔黎班李皖梨未一樣係咁幫佢地班練..
練歌的時候..因為全都係我地自話事..出現左好多分歧..
最大的問題係..男仔真係唱得滿難聽..
己經唔夠人..又沉..又突聲..都唔緊要..最大問題係..竟然要佢地solo !?
邊個諗ge...
唱左好多次男仔都唔多掂...但唔知點解冇人提出叫d男仔唔好獨唱..
淨返最後一日..練到六點..大家都好不滿咁樣走左..大家都認為攞定最尾
今日比賽呢..我地第三組..
上到台第一首唱的是校歌..音樂聲太細+我地緊張...脫晒key..快左好多..
第二首龍的傳人..聽得出我們有練習
但唱出來..因為本身編排的問題..男仔衣然如常..好難聽..
落到台我地全班只淨下不滿...
到了公報結果o個時..主持人叫我地估邊班會win.
我地全班靜晒..自己都知自己咩料啦..還有冇人咁瘀皮話自己班會勝呀..
公報結果 冠軍:高三甲,亞軍:高三乙,季軍:高三丙..
我地全部人都呆左..點解高三丙會攞第三...真係几出奇的結果..
我想冇乜邊班唔認為丙班應該攞第一..雖然唔係話勁爆好聽呀..
但相對黎講已經係最唱得最好的一班..((李皖梨o個班..))
個個文班的人都話唔公平,(我冇聽理班人講,唔通問理班d人覺唔覺得自己唔應該攞一二咩)
也有人係賽前話"理班一定攞第一.文班最多淨可以攞到一個奬"
結果的確如此..都唔明點明明唱得一般的理班卻可以攞冠亞.唱得最好的文班只可以攞第三囉..
唔通讀理班真係著數d?..
..唱完歌上返自己班時..聽到d人講,孫建強突晒聲又唱錯歌詞....表情勁搞笑..
難怪台下咁多人係度笑..
但我覺得我地班冇人會怪孫建強..因為佢都係想全心演繹首歌
我地唱得唔好最主要ge原因唔係因為佢..
係因為我地練的時間唔夠..唱歌方式有問題先致會咁..
今次的比賽..帶不到全班圑結.快樂的回憶呢..個個都默默的離去..
反而增加了我對阿sir的不滿..
最後..你話我o個班係未真係攞左第尾呢?~~
......................................................................
部機竟然輕機喎..萬歲,,萬歲~~~