今日同ar儀出左MK行街呀~

中途我唔小心跌左步電話...好彩有個好心人幫我執返ja~

第一站梗係去行信和la~

我超興奮呀~

買左3張雲雀嘅海報呀~

ar儀好似好鍾意獄寺咁喎~(奸笑~)

行完信和之後,我地就去左行旺角中心la~

ar儀買左d化妝品,假眼睫毛...

唉...行到我隻腳超痛呀...orz...

中途我地經過某戲院...

間戲院門口企左隻「冰河世紀」嘅不明生物(!?)喺度...

正當我地想去同佢影相嗰陣...

d工作人員突然話...

「唔好意思,佢要休息la~」

SHIT...

行完之後,我地去左許留山飲野~

許留山d野好似難飲左多咁喎...orz...

中途我地喺度諗跟住應該去邊度好...

就喺呢個時候...

ar儀突然爆左句...

「諗咁撚耐都仲未諗到去邊...」

我超爆勁驚訝...

嘩~呢句簡直係精句呀~(佩服~)

跟住我地決定一起搭巴士返屋企...

喺巴士上面...

ar儀d頭髮撩到我呀...

跟住,我對佢使出左「頂頭鎚」...

好痛呀...orz...

我尋晚發左個好奇怪嘅夢呀...

英文口試同中文口試...!?

英文口試嘅情況我已經唔記得左la...

而中文口試...

喺夢入面...我正準備出發去試場嗰陣...

比我阿媽不停咁阻鬼住哂...

搞到我遲到...去唔到考口試...

跟住我就同我阿媽炒左大穫la...

不過我跟住好似時光倒流咁...

好成功咁去左考口試...orz...