今日本來諗住去Ocean Park大玩特玩,點知係我地排隊玩太空摩天輪,仲要下一個round就到我地既時候,Theresa突然間面青口唇白,仲訓左落人地,搞到人地勁無奈,我係咁叫佢都冇反應,終於都企返好.又突然間成個人坐左係到,我係咁拉都拉唔住,我好驚佢會暈左,好彩最後都冇,但我都唔俾佢玩太空摩天輪,要佢出去休息我地經過個摩天輪既時候,Theresa話"既然都入左嚟,不如玩一次先啦"聽完之後,都唔知好氣,還是好笑,我死都唔俾佢玩,要佢休息一下,我問一問,發現原來佢又冇食早餐,就嚟Ocean Park玩,我地搵左位坐低,仲叫Theresa食d野,佢食完之後,話想坐888涼下冷氣,我地連續坐左五次,最後決定去陳明圴屋企玩

我地問下佢,陳明圴話佢同莫慧欣係到整緊cake,一聽到莫慧欣個名,我已經唔想去,Theresa再問,就知道莫慧欣兩點就走,個陣已經一點五十分,加上我地要幫陳明圴買lemon,去到個陣,莫慧欣都應該差唔多要走,我地係百佳hea左陣,又玩左陣鞦韆先上去,去到個陣,莫慧欣已經要走,我勁開心,跟住我地一路食杯麵,一路睇<潮拜購物狂>,勁好睇!然後,我地又一路睇<Yes Man>,一路玩水戰,三個人猜程尋,輸左要被每人噴十五秒

我地玩到勁high,搞到由頭到腳都濕晒

陳明圴仲送左個佢自己整既strawberry cheese cake(其實應該係blueberry,但係佢買錯左)俾我做生日禮物,超好味,拍得住伯娘整個d^.^

仲有四十二分鐘就七月廿五號啦!