今日去左大姐姐計劃,去同我個妹妹相認

超緊張!我好驚我個妹妹係個超級大美人!

入到去禮堂首先要睇下自己個妹妹叫咩名,同埋自己係邊組

原來我個妹妹叫蔡顯恩,個名唔係唔好聽,但係我覺得有d難讀

我同Joyce,莎利颱風都係余杏美個組,真係慘!，莎利颱風都系余杏美個組，真系慘！

等到d人差唔多到齊,就開始玩遊戲

我地有四組人

首先,有一組企係禮堂一邊,另外一組就企係禮堂另一邊

其餘兩組就企係禮堂中間嘅走廊

企係禮堂一邊嘅個組要同禮堂另一邊嘅個組講一句句子

但企係中間個兩組就會大喊

所以呢個遊戲一d都唔易玩

好啦,事不宜遲,遊戲正式開始!!!!!!!!!!

首先由f.4個兩組玩先

佢地好勁,任憑我地點喊都好,佢地都聽到對面講咩

到我地啦,班f.4真係好勁,對面點喊都好,我地都聽唔到

同樣地,我地點喊都好,對面都聽唔到

最後由f.4個兩組勝出,唉!

玩完遊戲之後,就到同妹妹傾心事嘅時間

老師首先派一張紙俾每個姐姐

上面寫住二十條題目,同埋問我同妹妹幾耐見一次,幾時見

老師講完之後,就可以同妹妹傾計啦!好緊張呀!

不過,首先都要搵返個妹先

我唔知道邊個係蔡顯恩,只好大叫"邊個係蔡顯恩呀!"

好醜呀!好彩叫左一次就有人應我

如果要形容我個妹個樣,我諗我會用平凡嚟形容

我冇貶佢嘅意思,只係唔知可以用咩嚟形容

我同我妹妹好好傾,完全忘記左紙上面嘅題目

我地咩都傾d,傾好開心,不過我覺得我講得太多,he!

後嚟,我都問左紙上面其左三條題目

以下就係佢嘅一d資料:

姓名:蔡顯恩

英文名:Jo Jo

班別:1d (精英班)

小學:愛秩序灣官立小學

家庭成員:父母,有個妹妹

爸爸媽媽都好忙,讀書只好靠自己

最喜歡嘅顏色:淺紫

最後我地約左下個星期三食飯,兩個禮拜見一次

我而家有d期待下個星期三,好想快d到呀!

失望﹐ 有時候也是一種幸福﹐ 因為有所期待﹐ 所以才會失望﹐ 因為有愛﹐ 才會有期待﹐ 所以縱使失望﹐ 也是一種幸福﹐ 雖然這種幸福有點痛。