今日派埋CL同埋RSC:
CL:82/100
RSC:100/100
好難得有一科可以攞到100分呀!!!!!!!!!!!!!!!!!!!!!雖然RSC向來都好簡單,而且我地班都有好多人攞到滿分,但係考試攞到滿分個種感受真係難易形容,我真係希望Maths都可以攞100分~~
我地班今日調位，Ｍｉｓｓ鄭上個星期五話佢已經整好個ｓｅａｔｉｎｇ ｐｌａｎ
不過佢當時冇即刻調位，話今日返到班房就會知道自己坐係邊
我地當時好ｓａｄ，咁啱個段時間我地呢兩行人好興互相寫信俾對方（不過我冇參加）
當我地一知道今日就要調位，我地就同隔離嗰個講”記得寫信俾我呀！！”
真係令人覺得好笑又感動，我真係超級唔想調位
話晒咁辛苦先同周圍ｄ人傾得咁好，特別係ＵＴ之後
我地變得ｆｄ左，上堂嘅時候，大家一齊癲，一齊傾計，一齊笑
而且我真係好鍾意我呢個位，有少少隱閉，上堂個陣做功課，睇書，食野，什至係sd SMS都冇咁容易俾老師見到（我同Ｒａｃｈｅｌ上堂個陣成日都一齊睇書同埋做功課）
而家又要張我調離呢個咁好嘅位，遠離一班咁好嘅朋友，我真係好唔捨得∼∼（點解咁似當年當我得知要讀精英班，唔可以同Ｔｈｅｒｅｓａ，Ｊｕｌｉａ，Ｃｌａｒｉｓｓａ同埋麥麥讀埋同一班個種好ｄｏｗｎ嘅感覺嘅？）
不過我後來諗起ＬＳ堂我可以同Ｒａｃｈｅｌ坐，心情都冇好返好多，冇咁ｄｏｗｎ
今朝返到嚟我完全唔記得左，直接行去我個位．好彩跟住就見到一大班人圍埋一齊唔知睇緊咩倨陣就醒起
我要同Ｓａｎｄｙ坐，仲要坐係第四行第三個位，絕對唔係一個好位，想做我以上所講嘅野都唔得，因為好容易俾老師睇到，真係悲哀∼∼∼∼∼
我唔想同Ｓａｎｄｙ坐，我唔係討厭佢，只係我同佢完全冇話題，每次都係一句起，兩句止
而且Ｓａｎｄｙ係個ｄ上堂好專心嘅人，成績又同差一大段，唉∼∼∼∼
我前面係Ｚｏｅｙ同埋Ｓｈｉｒｌｅｙ，後面係Ｋａｙ同埋Ｔｉｆｆａｎｙ
好彩Rachel坐係隔離個行，唔洗驚周圍ｄ人個個都唔熟
希望過多一段時間我就可以再一次同附近d人混熟啦~~~~
今日中文堂開始要小組討論,題目係""附和別人的看法,可以結識更多朋友"你同意嗎?"
呢條題目好難,因為同意又少野講,唔同意又少野講,完全唔知佢想點
不過我見Stephanie係選擇唔同意,所以我都係選擇唔同意
五分鐘嘅準備時間完左之後就要出去講,余杏美隨口叫幾個numbers
結果我,Zoey,鄭嘉佩同埋勞樂心就要負責呢條題目,真係平時又唔見我咁好彩
我地見勞樂心寫左好多野,就叫佢負責開頭同埋總結
真係超緊張呀!!我地四個都係唔同意,而且我地好好笑,勞樂心講完就到鄭嘉佩,跟住到我,最後到Zoey
之後又係勞樂心,鄭嘉佩,我,Zoey,跟住又係勞樂心.鄭嘉佩...............
我地完全係順住次序嚟發言,唔計總結,我地發言嘅次數係一樣lo
講左6分鐘之後,我地就開始驚,因為已經冇野講,我地有4秒時間係冇人講野
好彩跟住勞樂心諗到d野,呢個情況先冇持續落去,不過我地講講下,離左題
本來我諗住話"我地離左題啦.........",但我又唔知跟住講咩好,所以我都係冇講出嚟
不過完左之後,余杏美冇話我地離左題,真係奇怪,
最後我嘅分數係10/16,都唔錯~~~
我們每天也會遇見很多人，有認識的，有不認識的，怎樣也好，能在某地某時刻相遇已是這生的緣分
| 
