原來今日係Ａｎｄｙ　Ｗｏｎｇ生日呀！我都係今朝先知

大家都好努力準備同Ａｎｄｙ　Ｗｏｎｇ慶祝生日

不過唔少人，包括我在內，幫佢慶祝生日嘅主要原因諗住可以唔駛上數學堂

我地呢班人真係好ｃｈｅａｐ,唉！

好多人都好努力準備（但我淨係係度袖手旁觀）Ｂｏｗｉｅ仲買左兩個＂生日蛋糕＂

但係，其實所謂嘅＂生日蛋糕＂只不過係麵包店用＄９.９（Ｂｏｗｉｅ自己講）買返嚟嘅孖寶蛋糕，上面仲有一粒粒嘅提子乾

不過，呢ｄ野，講個心ｇａ嗎，只要有個份心意米得ｌｏ

佢地諗住係ｂｌａｃｋｂｏａｒｄ寫＂生日快樂＂之類嘅字句，但係數學堂係係第４堂

所以暫時唔可以做呢個住，佢地就決定ｄｅｃｏｒａｔｅ左盛住個兩個＂生日蛋糕＂嘅碟先

佢地張隻碟畫得好好笑,好得意，其實我都好想畫，不過唔好意思出聲

第３堂係Ｇｅｏｇ堂，我地問左Ｍｉｓｓ鄭，佢俾我地係臨落堂前５分鐘ｄｅｃｏｒａｔｅ個ｂｌａｃｋｂｏａｒｄ

佢地畫得好快（因為得好少時間，而且好驚Ａｎｄｙ　Ｗｏｎｇ隨時會嚟），但係就得非常靚

仲寫左＂Ｍａｇｇｉｅ（Ａｎｄｙ　Ｗｏｎｇ嘅女朋友）祝你生日快樂！３Ｄ祝你生日大大大快樂！＂，又畫左ｄ心心，仲話左個屎雪糕，嘔∼∼∼∼∼

當一切都準備好，班長就熄晒ｄ燈，Ｃｈａｒｌｉｅ就個ｓｃｒｅｅｎ落嚟，啫住個ｂｌａｃｋｂｏａｒｄ，自己就企係個ｓｃｒｅｅｎ後面，而我地所有同學就全部都要趴係張枱到，跟住要做嘅，就係等主角出場

我地等左一陣，就見到Ａｎｄｙ　Ｗｏｎｇ係出面，佢見到我地咁樣，覺得好奇怪（我ｆｅｅｌ到佢一定係咁諗）

當佢一踏入我地班房，Ｑｕｅｅｎｉｅ就開燈，Ｃｈａｒｌｉｅ拉返起個ｓｃｒｅｅｎ，我地全班就企起身，大叫＂Ｈａｐｐｙ　Ｂｉｒｔｈｄａｙ　Ｍｒ.Ｗｏｎｇ！＂

然後Ｂｏｗｉｅ就拎個插左ｃａｎｄｌｅｓ嘅＂生日蛋糕＂出嚟，跟住我地又好大聲咁唱Ｂｉｒｔｈｄａｙ　Ｓｏｎｇ

全班嘅情緒都好ｈｉｇｈ，Ａｎｄｙ　Ｗｏｎｇ仲話好多謝我地

跟住就講Ｇｏｏｄ　Ｍｏｒｎｉｎｇ，我地罕有地好大聲咁叫＂Ｇｏｏｄ　Ｍｏｒｎｉｎｇ　Ｍｒ.Ｗｏｎｇ！！！！！＂

然後就繼續上堂，真係大失所望∼∼∼∼

本來Ａｎｄｙ　Ｗｏｎｇ都好唔捨得擦走我地嘅＂生日快樂＂

淨係用少少位嚟教書，但後嚟佢愈寫愈多，迫住要擦，結果，落堂個陣，淨係淨返句＂３Ｄ祝你生日大大大快樂！＂

淫笑中..............

沒放棄對方，就如沒放棄自己。