今日我又去MK,不過今日係同親愛的(嘔ing~~~~)jacqueline去

朝早睇電視個陣真係嚇左我一跳,今日個temp. range竟然係24度至26度!

我最初以為自己睇錯,但又冇錯,跟住以為係天文台嘅錯,不過有冇咩可能

後來更認為係夏天嚟左,但去到weekend個溫度又跌返落去十幾度

由此可見,全球暖化嘅問題真係愈嚟愈嚴重,我地應該要好好愛護地球,為我地嘅下一代著想!(做咩突然講埋d咁嘅野嘅)

夏天突然間"嚟左"都唔係最恐怖,我今日一出門口,面前嘅情景嚇到我傻左

d牆係濕晒,仲要濕到好緊要,好似啱啱落完雨一樣,咁嘅情景我真係從來都未見過

而且我發現筲箕灣呢到真係好潮濕,滿地都係水,空氣入面仲要有一種超級潮濕,好似落完雨嘅味道,好難受~

我約左Jacqueline係MTR station等,因為佢想行下天悅廣場,我地食完M記,就開始我地嘅行程

雖然啱啱食完飯,但我地都夾份買左一份5蚊4粒嘅小丸子食,好難食,好似成粒野除左面粉之外,就冇其他野

Jacqueline仲買左叮叮糖,而我就買左糖蔥餅,我超愛食糖蔥餅,可惜愈嚟愈少地方有得食

跟住我仲買個頭"cool",好貴,但我覺得好靚,仲即刻戴係頭上

係米好靚呢?

之後我地就搭MTR去MK,行去地鐵站途中,我竟然見到細佬,不過佢見唔到我,行過個陣,我仲整佢個頭,係個陣,佢先發覺到我嘅存在

去到MK,我地見到一個好似Terry Yu嘅人,我最初以為真係佢嚟,不過真係好似樣

一入到去旺角中心,我即刻嚇到出唔到聲,因為,我見到一個人,佢唔係一個普通人,佢就係......................

MR.LEUNG!!!!!!!!!!!!!!!!!!!!!!!!由於之前見到一個好似Terry Yu嘅人

所以見到Mr.Leung個刻,我第一樣諗到嘅就係:只不過人有相似姐!

但當我望多兩眼,加上佢仲要望左我地一眼(好明顯佢係完全唔認得我地,好彩~~~~~~)

我先發現佢係真真正正,我同Jacqueline認識嘅Mr.Leung呀!!!!!!!!!!!!!!!!!!

我當時真係嚇到傻左,淨係識得企係到,眼金金咁望住佢,好彩Jacqueline第一時間拉我走,如果唔係都唔知會點

雖然我每次去MK都會撞到真光嘅人,但真係估唔到今次竟然撞到Mr.Leung

更加估唔到嘅係佢竟然會嚟呢d地方,好似唔係好啱佢嘅年紀

之後我地就繼續行,由於禮拜一已經嚟過,所以我冇咩野要買,但我都買左對ear ring,超靚

最初我係睇中右面個隻,但我搵緊都搵唔到第二隻,我見左面個隻都幾靚,於是就買埋佢,張佢地配成一對

跟住我都冇買野,但Jacqueline為左要買一對波鞋,打底衫同埋袋,搞到我地由底行到頂,由頂行到底先買齊,真係麻煩,不過其實個個都係咁ga啦,唔係咩?

之後我地去Jusco間許留山,一人買左一杯"芒椰蘆薈爽"飲,每杯13蚊,超好飲,

最初淨係食到蘆薈,跟住先食到芒果,最後我地去左商務

終於俾我搵到孤泣嘅預言故事,仲一口氣睇晒ending,真係好好睇,

雖然我唔係幾鍾意個ending,但我都highly recommend this book to you!!!!!!!!!!!!!!!!!!!!!!!!

地球是誰製造的？生命的長短是誰定的？Deja vu是夢境還是錯覺？有前世今生嗎？有輪迴轉生嗎？有天堂地獄嗎？鬼魂是幻覺還是真實存在？耶穌基督、阿拉真主、釋迦牟尼誰有最高權力？知識改變命運，還是命運改變了知識？
 
這本小說，寫出了不可思議的答案。
 
四秒時間，你能夠做什麼？

自從在他八歲那年剪掉自己左手尾指以來，他從來沒有受過皮外傷。他擁有預知未來四秒的能力，可惜，心理醫生診斷他患有兒童妄想症。十七歲未成年的他勇闖葡京賭場，只有四秒的預知能力、只有二百元的本金，他又如何贏大錢？他遇上了一生最愛，卻同時遇上血腥、殘忍、變態殺手，他又如何面對可怕的命運？

如果你能夠預知四秒的未來，你又會怎麼利用這能力？
 
預言故事，正式開始。

你相信命運能改變嗎?你接受命運的安排嗎?