雖然我已經係3D班讀左大半年,我都仲3有d接受唔到我讀精英班呢個事實

不過比起啱啱開學個陣已經好左好多,可能因為開始習慣係精英班嘅生活

以前我成日都覺得係精英班嘅生活一定好辛苦,周圍所有人都勁過你,叻過你,

係一個咁嘅環境生活,一定有好大壓力,我什至覺得佢地可能會因為你成績唔好而睇你唔起

而家嘅我覺得雖然讀精英班嘅壓力真係好大,不過係同人相處方面都幾好

而且我發現我地呢班會係某d想像唔到嘅地方表現得好團結,

仲有,我覺得大部份讀精英型嘅人嘅性格都係比較單純同埋天真(我冇貶人嘅意思ga)

有時你會覺得同佢地相處,好似同緊個小朋友相處,既容易相處,但有時就會難相處

係同一時間,我發現左一個唔係幾好嘅現象,就係讀普通班嘅人同讀精英班嘅人

原來大家對大家有好深嘅誤會,以致到大家都唔想,或者唔知點樣同對方相處

首先講下讀精英班嘅人對讀普通班嘅人有咩睇法:

佢地認為普通班嘅人係玩大過天,冇咩禮貌,成日爆粗,成日頂撞d老師,

上堂個陣絕對唔會專心聽書,只會訓覺,兼且d成績差到令人慘不忍睹嘅學生,

簡單d嚟講,精英班嘅人認為普通班嘅人絕對係一班典型嘅壞學生

啱啱開學個陣,有一次嘅morning assembly,Tiffany同我坐(因為佢當時係班長,佢同Kiki分別排係隊頭同埋隊尾)

由於個陣同Sandy仲未係好熟,所以我就同Tiffany傾計,大家都傾得幾開心

當morning assembly完左,3B班嘅人開始返課室嘅時候,Tiffany望住佢地

同我講"我唔鍾意佢地呢班人....",我第一個反應係話"喂!我上年係同佢地一班ga!"

之後我又話"其實呢班人都唔差呀!讀呢班都幾好呀,起碼大部份人都好好玩........."

我講完,Tiffany冇俾任何反應我,彷彿佢好似冇聽到我講野,但我好肯定佢其實唔認同我

所以冇俾反應我,我之所以會即刻辯駁Tiffany嘅睇法,除左係因為佢講得一d都唔啱之外

還因為我當時仲好懷念2D嘅生活,對於Tiffany咁樣話佢地,我覺得佢好過份lo

Sandy之前都有同我講過類似嘅說話,但佢淨係唔知點同佢地相處,

有d擔心當下年同佢地一齊上堂個陣唔知點算,我就同佢講其實佢地都之不過係平常人

只要唔當佢地係讀普通班嘅同學,你就會發覺佢地其實一d都唔難相處,

但Sandy好似唔係幾聽得人耳,我講完之後佢都仲係覺得好擔心

要數比較偏激嘅,一定非Stephanie莫屬,有次上中文堂個陣,

佢同我講佢好討厭A,B班嘅人,一聽到佢講"討厭"呢兩個字,我就唔知應該點樣答佢

因為我好清楚知道,就算我用過來人嘅身份同佢解釋,佢都唔會聽

之後我要講嘅就係讀普通班嘅人對讀精英班嘅人嘅睇法:

佢地認為精英班嘅人係讀書大過天,上堂個陣極到專心,絕對唔會頂撞老師,

一定唔會抄功課,所有功課,回條一定會準時交,絕對唔會留堂,個個都異常地勤奮

簡單d嚟講,普通班嘅人認為精英班嘅人係一班極度完美嘅乖學生

我覺得佢地會咁認為,唔多唔少都同我有關,因為我成日都同佢地講

"讀呢班真係好辛苦","個個人都好恐怖","都係讀返2D好"之類嘅說話

結果係潛移默化之下,佢地覺得精英班比起鬼屋仲更加恐怖

琴晚同Theresa傾電話個陣,佢同我講佢覺得讀精英班嘅人係d會利用友誼,

以令到自己嘅成績更佳嘅賤人,我自己都曾經有過咁嘅諗法

不過,其實咁樣諗又有d過左火,始終佢地又唔係d咩攻於心計嘅小人(我係上面講過佢地其實好單純)

佢地都只不過係一班普通嘅學生,另外,幾乎所有普通班嘅人都認為佢地係個d明明好高分

但仲話自己好低分,明明好勁但話自己好屎嘅衰人(其實我都咁認為)

我認為其實呢個情況係普通班都有出現,之不過比較少,人數都唔多

雖然呢個情況係精英班經常出現,但唔係所有人都係咁,

只有一部份人明明自己好勁但都話自己好屎(我發現呢班人多數都係考到全級40名以內嘅人)

總括嚟講,精英班嘅人認為普通班嘅人係一班無藥可救嘅飯桶

而普通班嘅人則認為精英班嘅人係一班自己高攀不起嘅天才

只要消除大家對大家嘅誤會,就唔會因為種種嘅誤會而討厭對方

只要消除大家對大家嘅誤會,就會發現,其實,所有人都一樣,都一樣係普通嘅學生

我們會偶爾停下來,牽過某人的手,看過某些艾好的風景;偶爾也跟別人一起笑過,一起哭過,但到最後,是為了追求自由也好,是無可選擇,無可奈何也好,我們仍然只能一個人,不斷一直往前走......