今朝早同阿爸落去KM+到剪頭髮,諗住修下個髮尾,等d頭髮可以長得快d

好好彩落到去一個人都冇,唔駛等就可以剪,

坐低,披哂d要披嘅毛巾同埋布之後,Kobbie就問我想點剪

我話想修下個髮尾,同埋溝薄下d頭髮,之後就佢有佢剪,我有我玩手機入面個數獨

我一直都冇理到佢究竟將我把頭髮剪成點,

因為我諗住既然我都同佢講左淨係修下個髮尾,斷估佢應該唔會又剪多過三吋gua

但係我錯左,仲係大錯特錯,雖然佢冇好似上次咁剪走我咁多頭髮

但因為我同時叫佢幫我溝薄下d頭髮,結果,係差唔多就嚟剪完嘅時候

佢將我d頭髮撥去前面,係呢一刻,我見到啦,我見到佢將我把頭髮剪成點啦

冇錯,佢冇將我d頭髮剪多過三吋,但佢剪走左我兩吋幾嘅頭髮呀!

我而家d頭髮嘅長度根本同兩個月之前嘅冇分別!

彷彿我呢兩個幾月嘅頭髮係白留,我好痛,我個心好痛,

好似有一塊又大又重嘅石頭壓係上面一樣,令到我呼吸困難

係同一時間,我視線變得模糊,所有野都睇唔清,

我知我唔可以咁瘀係到喊,所以我忍住,將d淚水收返入去眼入面

跟住佢繼住剪,我一直都唔講野,努力忍住唔好喊

終於都剪完啦,佢仲要問我滿唔滿意,o唔ok?

係個刻,我好想同佢講"我好唔滿意呀!你將我d頭髮剪得太短啦!

但我話唔滿意咁又點?你可以將你剪走嘅頭髮駁返落去咩!"

但我冇咁做到,我淨係點下頭,跟住就沖左出去,係門口等我阿爸

我一路等,就一路喊,將頭先收返入去嘅眼淚全部喊哂出嚟

我完全唔敢照鏡,一照鏡,我就會見到我個把又短又薄嘅頭髮,

跟住d眼淚又會再一次係咁流出嚟,我好想死,橫點我而家又有d傷風,

我又唔想繼續留係3D班,呢個世界根本就冇野值得我去留戀

不如就咁由得我病死算啦,我真係唔明個天究竟係到諗緊d咩

想死嘅,又唔俾佢去,死,唔想死嘅,又要安排佢死得好慘

我只不過想要一把又長又靚嘅頭髮,點解個天要接二連三咁奪走我把頭髮呀!

呢兩個月我默默咁等,等我d俾人無情剪走嘅頭髮慢慢咁生返出嚟

而家終於等到啦,個天又再一次奪走佢,不如由得我死左去算啦

我唔要每次剪頭髮都要承受呢種痛楚呀!

阿爸唔知情,以為我係因為等洗頭等得太耐而發脾氣

係咁安慰我,仲話Kobbie已經道左歉,叫我唔好再嬲

Kobbie根本都唔知道我嬲嘅真正原因,佢道歉有咩用呀,

就算佢知,佢道完歉我d頭髮都唔可以生返出嚟ga啦!佢係米俾我剪短佢把頭髮呀!

佢係米賠返呢兩個月嘅時間俾我呀!我係咁喊,係咁喊,完全冇停過,

就算打緊呢篇blog,我都一直係到喊,我未試過咁傷心,就連數學全級得67名我都冇咁傷心

我淨係同佢講修下個髮尾,點解佢都可以剪走我兩吋幾嘅頭髮ga!!!!

我唔想再剪頭髮,我唔想每一次剪完頭髮都發現有一大截頭髮冇左呀!

我們對每個我們愛過的人的回憶,即使被歲月風化,化成了白骨,也長埋心田一隅