經過悠長的復活節假期,今日終於都要接受現實--繼續返學and派UT

琴晚雖然十一點就上床訓覺,但係我就要去到差唔多一點先訓得著

可能放假嘅時候太晚先訓,不過今朝我仲早過阿爸起身,而且全日都超精神

今日派左5科,分別係中文,英文,數學,中史同埋西史:

中文:33/50

英文:68/100

數學:74/100

中史:32.5/40(81.25/100)

西史:34/50

就呢五科嚟講,我其實算係進步左,不過我始終都係覺得個分數好低

首先係中文,上次UT我中文奇蹟地有39分,今次就退步勁多

不過非常幸運地,Stephanie同我同分(咁講真係有d衰)

如果余杏美可以俾多兩分,我就可以攞到C,我check哂成份卷,但佢一條都冇改錯到,激氣!

同樣地,英文又係差兩分就可以攞C,rewrite sentence個part我錯左好多

最慘嘅,係個part錯嘅全部都係careless mistake,個d仲要係冇可能錯嘅mistake

如果唔係,我英文就唔止得68分咁低分,不過都係比下次UT進步左兩分

中史係我最滿意的一科,因為中史進步的幅度最大,我上次UT都係得D

今次好好彩,竟然有B,其實我可以做得更好,今次考嘅時間太短啦,大部份人都做唔哂

希望考試個陣可以有多d時間,中史可以攞到A,話哂係文科當中,中史係我成績最好的一科

上hist堂個陣,Miss Wong堅持要講哂所有答案先派卷,但我根本就唔記得我答左d咩

佢講嚟都冇用,始終大家最關心的,都係個分數,佢派完先講,可能我地會更加專心

check哂成份卷,都搵唔到一個可以俾佢加多我一分嘅地方,如果唔係我就可以有C

不過佢都實在太嚴啦,Kiki差一分就有A,但佢都唔俾

最令我傷心嘅,當然就係數學嘅分數,我真係好hurt,好心痛,我好想喊

我真係估唔到我數學竟然差到咁,睇返份卷,我真係好懷疑我做呢份卷嘅時候究竟邐緊d咩

好笑嘅係,雖然我有兩,三題係因為唔係好識做而俾佢扣分,但其他嘅,

卻係我根本冇可能錯嘅錯誤,有兩條MC冇做,兩條short question未做哂,漏reason.畫錯圖

我好想打死自己,點解連呢d我都可以錯,我對我自己好失望,除左麥麥同阿ki之外

就冇人知我數學幾多分,連AA都唔知,即使AA係咁問我,我都冇答佢,

因為我唔單止低分過佢,我仲要低分過佢好多,於是我同佢講"我心情好個陣,我就會話俾你知"

跟住佢話"你一定高分過我啦!",我好想喊,點解佢咁都唔明,如果我真係高分過佢

我可以直接同佢講呀,駛麥要心情好先同佢講呀!其實我咁講,

係希望佢可以明白,我今次成績真係好差,差到我唔想講,希望佢可以唔好繼續問我

不過,好明顯佢都係唔明,算啦,遲d呀,遲d我一定話俾佢知我數學幾多分

今日我走左半堂Oral堂,就嚟上堂嘅時候,我同Rachel講我肚痛,要去廁所

因為我諗住係廁所渡過成堂oral,點知Rachel跟埋我去廁所,於是我同講我係想走堂

跟住問佢同唔同我一齊,佢竟然話好,我地就係廁所入面傾計,

好彩Rachel係係3D入面少數同我傾得埋嘅其中一個人,大約係2:15個陣

我地聽到出面入聲,原來有個工友想入嚟睇下,於是係無辦法之下,

我地扮到若冇其事咁返課室,當時佢地進行緊individual presentation,

返到去無緊耐,就要進行group discussion,真係好彩,如果我地冇返到去,

佢地就會發現少左兩個人,跟住就會發現我地兩個唔見到左,

雖然係咁,但我諗住再搵個機會走堂,除左oral之外,我諗唔到有其他選擇

無論如何溫柔都會傷害人的,無論如何灑脫都會感到受傷害的,人只有慶幸自己的不知不覺,卻沒有人能做到無知無覺