今日Theresa約左我去旺角信和中心攞Mr.隻碟,我地由太古搭地鐵過去旺角

超遠呀!坐到我地兩個傻左,跟住我地仲要係周圍貢左好耐都搵唔到信和中心係邊

最後阿爸叫我地沿住弥敦道行就會見到，沿途我地見到好多間周大福，睇到我地Ｏ哂咀

行左冇幾耐，我地就見到大大間信和中心企左係我地嘅左面，攞左碟，我就同心情超high嘅Theresa由旺角搭地鐵去將軍澳中心

中途有成十幾個站,仲要冇位坐,企左差唔多半個鐘頭先自到將軍澳,未去到將軍澳中心已經攰到想死

點解我地會冇啦啦去將軍澳中心呢？原因非常簡單，因為BY2今日係將軍澳中心有簽唱會呀!!!!!!!!

本來我都冇諗住去，但琴日同Theresa講BY２今日有簽唱會，佢就叫我一定要去

因為BY2好難得會係香港出席function,去到嘅時候都仲未有好多人,但靓嘅位都差唔多俾人霸哂

為左令我同BY2嘅距離可以近d,Theresa就帶我去到台側等

等呀等,等呀等,我地等左好耐,BY2都仲未出現,等到差唔多14:15,BY2終於都出現啦!!!!!!!!!!

好開心呀,冇諗過可以親眼見到BY2,超興奮呀!!!!!!,因為我地企係台側,加上個主持人又係度擋住哂

雖然我會係佢望過嚟嘅時候影,但大部份的相唔係影到側面,就係影到後面,好hurt................

有時我會影個熒幕,因為咁可以影到正面

跟住安排一對孖仔送兩個人形cusion俾BY2,不過影到嘅都係側面

我都想同BY2影相,羨慕ing...................

跟住佢地就唱歌,唱"大人的世界",yeah!

之後佢地就玩遊戲,而我亦都好好彩,影都幾張正面嘅相

Yumi畫嘅母親節卡,Miko個張收得太快,我影唔到

休息完,BY2出嚟繼續唱歌,仲要係唱我最鍾意嘅"愛上你"

跟住仲唱左"我知道",唱到一半個陣,佢地落台同歌迷握手呀!!!!!!全場d人high到爆

我都好好彩俾Yumi握到我隻手,但Theresa兩個都握到呀,超hurt...............

因為聽日就係母親節,大會準備左d花俾BY2派俾我地,我即刻伸隻人出去

今次係Miko行過嚟,佢第一朵就派俾我呀!超開心呀,佢派左俾我就行去另一面派啦,我真係好好彩呀

派完花之後,就開始簽名會,但係簽名之前,BY2就應各傳媒的要求,擺pose影相

世事紛擾,當我終於懂得怎樣去愛一個人,在我身邊的卻已經不是你,一生一世,不是空談,只是我們總是說得太早