今日約左麥麥去UA時代廣場睇十二點嘅<72家租客>,超凍,天文台話今日最低有八點幾度
新界個邊仲凍,有時真係好慶幸自己唔係住係新界個邊
不過係呢到,就算已經著左好多件都好,都仍然覺得好凍,特別係對手
一出到去,對手就變到好似死人對手咁白,而且變得超凍
講野個陣,仲會有d白煙噴出嚟,真係見到都覺得凍
雖然溫度平均得9度,但濕度就好高,出到街,成地都係水,就好似啱啱落完雨一樣
我今日著左新買個對短boot,超級"善",行幾步就"善"一步
好唔好彩我今日遲左出門口,想行快d都唔得,驚會pk,行到去斜路個到仲驚
就算今日濕度低,就算我唔趕時間,慢慢行,都好容易pk,皆因個條斜路真係超級斜,當時有d後悔今日著左短boot出嚟
係UA時代廣場令我明白到一件事,縱使係同一間公司,但係唔同嘅地點,價錢亦都唔同
係UA太古城睇戲,一張票要60蚊,但係UA時代廣場,一張票就要75蚊,
好彩我有阿爸張會員卡,有discount,平好多,計返每張票都只不過係60蚊
<72家租客>真係好好睇,好好笑,我覺得最好笑係石堅(張學友)俾佢個仔(王祖藍)話佢唱歌一d都唔似張學友,佢個仔仲話自己唱得好過張學友好多陪,hahahhahahahahahah!
仲有,係戲嘅最尾,Bosco同埋王祖藍一齊唱一首歌,宣傳旺角,
其實呢首歌係由新年歌改編,d歌詞超好笑,但我唔係幾鍾意個ending,不過呢d戲最重要嘅就係好笑,個ending反而冇咁重要
雖然呢套戲有唔少好笑嘅場面,但有一幕真係超恐怖,就係石堅(張學友)張成樽浸住仲郁嘅蟑螂嘅飲品,超嘔心,佢飲完之後仲要冇咩感覺,呢樣先係最恐怖,嘔ing~~~~~~~~
睇完戲,我地就去CEO唱K,但首先我地需要申請做會員,呢樣野當然由我嚟做啦!(其實係因為得我有身份證)
填form個陣,由於我對手處於一個冰冷嘅狀態,所以我寫出嚟d字係前所未有咁核突,
填完之後,我有個衝動想叫佢俾個第二張我寫,因為d字真係超級核突
入到房就開始狂摷歌,摷左好多鍾嘉欣同Janice嘅歌,
G.E.M.嘅歌得Where did you go,睡公主,All about you同埋想講你知,真係少之有少
本來我想唱樂瞳嘅短罪,但佢個到竟然冇樂瞳lo!最後就摷左Chita嘅空中小姐同埋各有各路
仲有一樣野真係好黑我憎,細佬專係摷正我唱緊歌個陣打嚟,仲要唔止一次,係超級多次,問埋哂d無聊白痴問題
For example,Mum點串?係Mum and Dad定係Dad and Mum?go嘅過去式係咩?take嘅過去式係咩? etc.....
真係超級煩,有時我會懷疑佢究竟係唔係六年級學生,就連白痴都識呢d野啦!
由於大部份嘅歌都係我摷,所以我係不停咁唱,幾乎冇低休息過
加上我愈唱愈high,愈唱愈大聲,結果我地離開個陣,我差d唔可以好清晰咁講野
不過今次唱K超貴,平均一個人要俾$130.5,連麥麥都話冇可能咁貴,
2月用左好多錢,用左差唔成千蚊,2月又唔係有咩特別,都唔明點解會用左咁多錢
所以未來我一定要慳慳慳慳慳慳慳慳慳慳慳慳!好!加油!!!!!!!!!!!!!!!!!!!!!!!!
到最後,我們總是無法記起最初溫柔的餘溫,叭記得時光流逝的冰冷
|
