2007 年 2 月 27 日 星期二  |
| 2007-02-27 |
魚.....今日d功課咁難嫁,= ="miss wong正一仆街黎嫁,比埋d工作紙
難d乜咁,圈個d咩建議,建你個死人頭咩,麻煩,之後數學都可以叫easy
不知點解,我要打比牙妹先識得做,但係又無問佢wo,我真係有問題呢?
卡卡~~我家姐重要話我痴線,佢自己咪重痴線,^^,中文就係重簡單ge,
書裏面有哂答案返落去炸嘛....
星期六就係家長日lu,我都唔明有咩咁驚,洪秀珍就話咩暪唔到佢牙嬸,
關佢牙嬸咩事呢?之後牙妹又話咩會比人鬧,= =",冇佢地收......
|
| 刊登時間︰2007-02-27 09:39 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 2 月 26 日 星期一 |
| 返學 |
今日真係仆佢個街,放完假,返學ge第一日,勁眼訓,不過都要返嫁啦,哂氣啦,= ="
之後返到學校,晨早早比人爆粗,牙姐,你又冇叫我幫你印,點知你要唔要呀?你又冇
打比我.....朝早比人問候老母,真係黑~~佢地爆粗真係勁,雖然我都有爆,不過都
唔會晨早早流流就同人爆啦,真是呀,= ="
之後調位又調左去第一行第一個位,真係唔好彩,不過有一樣好彩ge係,牙moon
坐係第一行,第三個,算係咁啦,好過坐零蜜隔離啦,樣柒到死,諗起都打冷鎮,都係
唔好講佢,最唔好彩ge就係,我將本默書簿留左學校呀,我真係痴左線,將本英文
notebook放左落個書包,默書簿放左去1b本書到,最重要ge係,本書放左去locker
到呀,真係仆哂街,頂自己個肺,= =" |
| 刊登時間︰2007-02-26 06:42 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 2 月 23 日 星期五 |
| 2007-02-23 |
今日8點幾起左身,算唔錯嫁啦,牙媽個八婆七點幾係到唔知做乜,嘈q住哂,
人地訓緊教嫁嗎,= =",不過佢都係煮早餐姐,就唔怪佢啦.
之後就開機,順便幫部mp3充電,雖然琴晚都有充,不過有多d電好過冇電,
九點到未夠,我ge father就起左身,佢問下刷左牙未,我呃佢話我刷左,
其實我未刷,我想等佢走左先刷,^^.我sister10點幾起身,琴晚佢一定
又溫通宵啦,好學得佢呀,我就冇佢咁勤力,我好lazy嫁,^^
之後下午落彩雲食野,緊係自己比啦,但係我家姐真係好不幸,因為佢個銀包
失左蹤,搵極都搵唔到,我為佢個銀包默哀一分鐘.因為佢呢次係第三次唔
見左銀包,我牙媽每次都鬧到佢狗血淋頭,痴線嫁,好彩我從未試過唔見姐,
卡卡~~笑死.... |
| 刊登時間︰2007-02-23 04:57 PM [ 訪客留言(0) ] [ 編輯日誌 ] [ 分享至FACEBOOK ] |
2007 年 2 月 20 日 星期二  |
| 年初三 |
今日同牙妹去apm睇野,我12點出門口,落到地鐵站等左4分鐘先有車
黎,好耐呀,= =",之後到左觀塘地鐵站等佢,我都遲左幾分鐘嫁啦,佢重
遲過我,= =",之後入左apm啦,都冇野睇ge,我地走圍行,之後又行到
去裕民坊,行左好耐,我問佢想去邊,佢又問我想去邊,原來我地都唔知想
去邊,之後想行返apm ge時候,竟然見到我地班ge女班長,王雅醇,
佢戴住一頂畫家帽,再加一條dress,好好笑,^^
牙妹同佢真係一對嫁,兩個都著裙,卡卡~~,都唔明點解女仔咁鍾意
著裙,我都係女仔,但係我討厭著裙,因為好樣衰,可能我唔係女仔掛
(講笑姐)
又去返apm,= =",無啦啦想睇戲,所以問下佢想睇咩戲,佢話冇所
謂,我本來我想睇雙子神偷ge,不過諗諗下都係唔睇lu,睇心想事成
啦,之後去左買票,今日勁多人呀,我彩冇咩人睇心想事成姐,如果冇
位咪死,買完票都1點半,我問佢食左野未,佢話食左,但係我未食,
趕著出門口,牙媽又未煮wo,咁咪想出黎食囉,行左好耐都冇樣岩
食,之後就去左吉之島買飯食,買完得返15分鐘食野,= ="
牙妹幫我計時,= =",無啦啦計咩時wo?傻傻地,搞到要食得好快,
因為就快開場,所以佢就睇住隻錶,= ="無奈,幾經辛苦,終於食完
啦~~,之後又要跑去搭lift,入到去,已經開左場lu,好彩未開始睇姐
真係好好笑嫁,之後佢個電話響,原來係佢爸爸打比佢,佢叫我陪佢
出去聽.......其實呢部戲,有部係好好笑,但有部分都好感人嫁.......
|
| 刊登時間︰2007-02-20 05:35 PM [ 訪客留言(0) ] [ 編輯日誌 ] [ 分享至FACEBOOK ] |
2007 年 2 月 19 日 星期一  |
| 愛情 |
我今日上左去我屋企隔離ge山,個到岩岩起左個公園,都幾大下嫁,
有一條步行的路,我慢步行,一路行,一路諗,愛情究竟係咩,點解可
以令人受傷,點可以令人為左"佢"不惜一切,無論點都要得到一個
自己愛ge人去留意自己,然後再令個個人愛上自己,真係好深奧,
有d有錢ge花花公子,會將愛情當係一場遊戲,當自己玩厭左,就將
個個佢地認為係玩具的女仔,拋棄,而佢地又重新開始另一場佢地認
為好玩ge遊戲,但,佢地有冇諗過,個女仔會點,佢會唔會因為個個男
仔講ge一句說話,"我只係當你係玩具炸",而去做一d,傷害自己的事
例如,介手,自殺....
愛情呢樣野,可以令人好幸福,又可以令人受到傷害,如果你問我愛情
係咩,我都可以答你ge,不過個答案係岩定錯,就要你自己去搵啦~~
愛情,係可以由一個男仔同一個女仔開始,又可以兩個女仔開始,
更加可以由兩個男仔開始,但係,我只係會講女同男,因為我只係識呢個
卡卡,好啦,要正經d先,所有ge愛情都係由友情發展ge.....
一個女仔同一個男仔係好朋友,冇幾耐,個男仔覺得自己好似鍾意左個女仔,但
係又唔夠膽同個女仔講,所以一直將呢件事放係心入面,再冇諗過lu.
到佢地就快要分開ge時候,個男仔先有夠膽同個女仔講,原來個女仔都鍾意佢嫁
只可惜,個女仔要離開,要去外國發展,但係女仔答應個男仔,佢返黎ge時候
佢就會同個男仔拍拖,但係呢個承諾,又可唔可以實現呢?當然係唔得嫁啦
因為個女仔,到左外國的時候,已經唔記得有呢個承諾,當佢返到香港ge時
候,已經同另一個男仔結左婚,重生左個仔,但係個男仔,重等待佢ge回來
當個男仔知道個女仔返左黎,重結左婚,即時暈左......
當你唔好好把握機會ge時候,愛情就會離你而去.......
|
| 刊登時間︰2007-02-19 08:42 PM [ 訪客留言(3) ] [ 編輯日誌 ] [ 分享至FACEBOOK ] |
« | 21 | 22 | 23 | 24 | 25 | 26 | 27 | 28 | 29 | 30 | »
|
| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
