|
|
星 於 2008-10-14 10:25 PM 發表：
算吧啦~
今日我同SONING都講左唔少野你聽,
其實呢D野無話你同佢邊個岩邊個錯,
你同佢講你放唔低其他人既,
真係鍾意你既,
會諗方法做一D野去令你愛佢,
坦白既戀愛,
要係兩心真係相悅,
係玩下既,
無乜所謂!
正如我所講,
如其你諗大家有咩唔岩既,
不如諗大家一齊既時候有咩做得岩!
傷害唔傷害係無標準架,
亦係相對性既,
你依家可能覺得你好傷好痛,
但係一生人有幾多痛?
今次可能係你一生既0.0000000001%既痛姐!
唔好將你既FOCUS放係D唔開心野啦!
呢樣野會令你唔開心,
但係每一日都有唔同野會令你開心,
我都試過,
唔開心我講乜都無用,
但係你要定一個期限,
同自己講過左之後,
唔可以再唔開心,
好似好無聊,
但係真係有用!
同埋今次你亦都可以睇清楚你身邊既朋友,
真既朋友,
係呢D時候最易睇到,
我講野好衰既,
好似上面既朋友,
係你既朋友,
不過唔係一個EXACTLY識你既朋友,
係識你既,
就會知道你點做,
係想幫你既就一早會講,
馬後炮對事件無咩幫助!
你亦都有責任令你既朋友認識你多D!
好似我同SONING,
好多人話我地有野,
但我知我同佢係咩人,
我地知道我地做緊咩,
我同佢亦都會成日提住大家,
對自己鍾意既人底線到邊,
到真係衰左,
好似我咁,
亦都會安慰大家,
我真係好驕傲有一段咁既友情,
我係到好似曬野咁,
但係希望係一個比你搵真朋友既參考囉!
好朋友既人選係你決定,
今次亦都係一個機會去比你分清楚你既朋友!
所以都唔係完全慘既!
努力啦~
〝棍哥〞!
另外,
你係要我資助你既,
麻煩生日一個月前通知!
MAX係幾多到時再算!
如果唔係既話我自己揀生日禮品比你架啦!
|
