今日成日

都係瞓覺,練歌,打波

上堂就瞓盡哂

橫掂講野又比人罵

唔講野都比人罵

不如抖下,hea下~

一有空閒時間就練歌

music堂可能抽到我個組...

同jim pang一組

佢唱我彈...

真的愛你~

music堂真係抽到我...

第3 group= =

彈得都算好

有少少亂...

放學練波

成隊籃球隊比許sir

捉左去同田徑隊練跑...

勁變態

係咁跑

累死...

Love Psychedelico - This is a love song

好好聽

放唔到上黎...

自己搵黎聽

d結他好正!!!

小天...

我開始覺得

我唔值得你對我咁好

我唔值得你咁關心我...

我係一個

冇人鐘意

一個犯眾憎既人

試問一個咁既人

你又點相處得落?

天...

跳出黎諗下

你就知道我講得冇錯...

只有我不會被重視...

今日先知道

原來陳樂怡對我既傷害

係咁大lor...

今日日執執下屋

ar媽佢話

姑丈佢cancer惡化

可能捱唔過今晚...

我就留低執屋

一路執一路諗野..

諗諗下好驚...

我好驚我同小天

個結局會好似我同陳樂怡咁...

小天打比我,

同佢傾...

傾傾下電話喊左...

我都唔知點解會咁驚...

多謝哂小天...

你令我放心左唔少...

thx!

今日打war game...

一朝早去到學校

至到去到先鋒個場

都不斷吹水呢....

入到場

講左一陣安全守則

就派裝備...

一睇支槍,就down哂...

G36C...

唔鐘意呢支槍...

分team如下:

F.3一隊

其他一隊...

其他包括:

高form+1個F.1+3個老師

第一,二場玩殲滅戰

第一場我地team守

對面守

我地基本上係屈住佢地機黎打

我見到人就射..

對死左2件...

我發覺除左我同伍忙人

冇人用準星瞄左先打

個個都係一路掃

一路修正彈道

"2殺0死"

第二場攻守對換

比人屈返機

本來一齊打緊

點知去到死角出唔返

一出就一齊死...

我地就一路開火一路突圍

又比我地出左...

成埋人行大路想攻上去

我同肥東就醒

去左成個場既中心

360度都有掩護

我地一開始聽到勁多槍聲...

槍聲過左之後就係一埋人聲

估都估到我地全軍覆沒...

得返我地2個係度camp

等左勁耐

有一個人行過,死肥東開火射佢...

掃死左佢搞到d人知哂我地係邊

肥東一行出去就比6條友夾...

我就仲camp係度...

肥東一叫死出左去,

d人就以為冇人係度

睇都唔睇就過

我等多一陣

等最尾果2個過果陣先開火

做低左2件

跟住比人做瓜左~~~

"4殺1死"

第三,四場玩搶旗

我地隊攻先...

伍忙人lead一半人行右邊小路

要去佢地側邊打佢地

我就lead剩低果d人(3 team)

留一陣...

過左一陣,

叫左3個行左路上山

同伍忙人佢地一齊夾佢地

我就lead住2 team

1 team搶旗,1 team掩射...

我地慢慢推進

去到一間屋仔後面

上好哂,換好哂彈

就叫搶旗果team

1,2,3衝出去

我地就開火掩護

估唔到搶旗果個可以

一彈都冇中就搶左旗...

我地3 team一齊掩射好成功~

"4殺1死"

跟住到我地守...

有人小隊守小路

其他人(包括我同伍忙人)上哂山守

打下打下,

陳洛x走上黎

我問佢咩事佢話

果邊死剩佢一個= =

我真係好無奈...

跟住我同bombom守果邊

不過佢地d人上哂山守唔到...

跟住一路射一路走

走到鐵皮屋就守死

不過都係比人射中左

過左一陣就比人搶左旗...

"4殺2死"

第五,六場玩掟旗

要掟支旗入間鐵皮屋(唔係第三,四場果間)

我地攻先

一開始留幾個守

其他人一齊行左路上山

行下行下...

原來行錯路,上唔到

原路折返-.-

去到base發覺冇哂人

唔知係唔係死哂-^-

佢地就大路上去

我同周延聰就行中間小路

睇下偷唔偷襲到佢地

行左勁耐

上到去有人守住

見到我地就開火

我地立即閃人

我估唔到我可以走得咁快= =

用果個速度跑一百就爽xd

走到返去

就上大路

見到我地隊一個人都冇死

就係個cover位度換彈

搞好哂就衝左去右邊竹林

人地知道哂我地係邊

佢地係咁掃射

我地就伏係果度等

久唔久掃幾下咁樣

頂佢有勁有流彈射中棵樹彈過黎

好彩個力低左好多

我就轉單發對空位開幾槍

有一彈射中棵樹

反彈係我耳邊過

嚇死我...白痴左

等到話完場...

"4殺2死"

到我地守

我係屋入面守(左邊)

伍忙人+幾個守右邊

果邊勁多槍聲

不過冇人叫backup就廢事比人罵

冇過去幫

係我果邊有個對面隊既行過

我係窗口發現左佢

開槍掃佢,爽

過左一陣就比人掟左支野入黎...

"5殺2死"

最後一場玩VIP

等左好耐既一場

一開始佢話6打20

20果隊仲有8次復活...

不過6人果隊好玩好多

就+埋入6人果隊(要打死VIP果隊)

分埋team 1 同 team 2

佢地分左個場做4個check point

team 1 去check point 1守先

team 2 (我)就去check point 2守

我地等左勁耐終於有人到

我係d鐵桶後面射佢地

單發射一下射一下咁

對住d岩岩見到人既位

(樹,鐵桶後面)

射射下聽到啪一聲

知道中左人個mask

就蹲下check彈同轉連射

一望到就係咁射

咁樣射死2件^^

其實應該係3件

有件唔認死

唔認死果個勁gag

我射中左佢勁多槍

佢係度慘叫

"呀!!!好痛呀!!!!!!!!"

咁樣

不過縮返個頭入去...

當冇死= =

我見到有d人衝左去左面

想上黎突擊我地

比我見到

佢一路行我一路射佢

中左都唔死

咪係佢上黎條路度camp佢

佢勁搞笑

放低支槍用2隻手上黎...

我地3個守果條路

我企正中視角勁好

佢地就蹲係2邊

我一見到個gag友掃死左佢

聽到d隊友話又有個上左

就camp多次

又係咁掃多件

完場...

佢地check point 2都過唔到xd

"8殺2死"<------------------總成績

有幾個傷口

不過落得場就預左xd

臨走影相

等車到果陣望入佢地個軍火庫度

頂佢有勁多m8

我好想用m8

順手好多...

係唔攞出黎比我地用....

今日open day最後一日

上午就幫red cross手

劉允文同ar蕉都黎左xd

下午就做接待

今日基本上

成日都係同ar天係一齊

量緊血量有佢係隔離

做緊接待又有佢係隔離

HALL開緊SHOW都有佢

成日係度同佢吹水~

同佢一齊感覺好好呢

唔洗有咩掩飾...

言語唔會有虛偽...

放果陣心情突下...

冇同ar天一齊食野

返左屋企...

某人的xanga提到...

「一個都不能少」

提到恆兄夾band

冇左佢怪怪地...

立即諗到..

點解冇人會咁諗我?

點解我一點都唔重要?

冇左我,

個progamme會行得更好

行得更順

冇左我,

個project會搞得更好

d資料會更齊全

冇左我,

佢地會更開心

更快樂

冇左我,

d音樂會少左d mistake

會更好聽

我知道我是多餘的...

沒人覺得我重要是正常的

"多我一個唔多,少我一個唔少"

"「一個都不能少」"

對某些人來說是正確的

但對我來說

這是錯誤的...

有人會重視我嗎?

有人會覺得我重要嗎?