1) 現在幾點：5:22p.m
2) 你的全名：劉豬骨
3) 你的花名：星.呀星
4) 你的網名：呢個
5) 你的學校：小學^^
6) 你的年級：P.6
7) 你的血型：K,有
8) 你的生日：0504
9) 你的年齡：11
10) 你最好的朋友：軒.胡Q
11) 你最喜歡（崇拜）的人：...軒,胡Q
12) 你最愛的人：.............全班都知
13) 你最討厭的人：點解要同你講,比100個理由我,唔比重複
14) 跟你最有緣的人：我張床(遇見率100%)
15) 跟你最無緣的人：同胡Q一樣...唔知
16) 跟你最相似的人：無人似我
17) 跟你最不相似的人：我咪講左囉!看上面.

18) 跟你最岩傾的人：軒.胡Q
19) 跟你最不岩傾的人：某人........
20) 誰最重視你：軒,胡Q
21) 誰最了解你：軒
22) 誰最關心你：軒,胡Q
23) 誰最喜歡你：........好無奈
24) 誰最常跟你一起：軒,胡Q(次次都係佢地2個)
25) 誰最支持你：軒,胡Q(又係佢地)
26) 誰最常跟你聊天：軒,胡Q(無言.....)
27) 誰最常責罵你：屎同蛋
28) 誰做錯了事．你一定原諒：我^^(自我中心)
29) 誰做錯了事．你一定不原諒：唔一定架喎
30) 朋友中，誰最令女：(唔答可唔可以)
31) 朋友中，誰最令仔：軒
32) 朋友中，誰最型女：太陽係夠型
33) 朋友中，誰最型仔：軒^^
35) 朋友中，誰最聰明：(聰明的人)
36) 朋友中，誰最笨：我唔想踩人
37) 朋友中，誰最討你歡心：刷鞋怪
38) 朋友中，誰最口花：波欣
39) 朋友中，誰最穩重：從前的軒
40) 朋友中，誰的話最有"道理"：波欣大道理
41) 朋友中，誰最會說笑話：wakakaka(說笑話中)
42) 朋友中，誰最直腸直肚：冇咁既人
43) 朋友中，誰最愛說謊：冇人會"愛"說謊
44) 朋友中，誰最誠實：李詠雯(係我地息心教導前就係)
45) 朋友中，誰最高：湯(就來唔係)
46) 朋友中，誰最矮：有吏人矮過鄧x佳呢?大家探討
47) 朋友中，誰最肥：我唔會咁cheap傷人心
48) 朋友中，誰最瘦：陳x怡
49) 朋友中，誰最八掛：波欣
50) 朋友中，誰最追上潮流：太陽
51) 你最喜歡的牌子：樞琨低B日記牌
52) 你最喜歡的運動：打人
53) 你最喜歡的動物：狗.......仔
54) 你最喜歡的食物：甜既野
55) 你最喜歡的髮型：gel得好既頭
56) 你最喜歡的電視節目：睇完就轉
57) 你最喜歡的電影：同上
58) 你最喜歡的衣著：衫&褲
59) 你最喜歡的卡通人物：唔知
60) 你最喜歡的歌曲：3不主意

61) 你最喜歡的歌星：3不主意
62) 你最喜歡的明星：3不主意
63) 你最喜歡的說話：無奈...,真係好無奈囉,無言,無言中
64) 第一次到Xanga的感覺： 好好(因為係胡Q介紹既)
65) 你開Xanga的日期：2006年4月7日
66) 你最常看誰的Xanga：胡Q
67) 誰的Xanga最靚： 我,胡Q
68) 誰最常打Xanga：我自己
69) 誰最很久才打Xanga：唔知呀
70) 你經常留言給別人：冇咩,胡Q掛
71) 最常留言給誰：超,同上面一樣..........
72) 誰最常留言給你：胡Q^^
73) 會否覆別人的留言：唔會,會之間
74) 收到留言，感覺開心嗎：^^ <----代表左
75) 誰的Xanga最多照片：我
76) 誰的Xanga最多字：胡Q
77) 誰的背景音樂最好聽：我,胡Q
78) 誰的Xanga最常更換背景：唔知
79) 現在SUB了多少人：3
80) 現在有多少人SUB了你：3不主意
81) 現在最想說的一句話：wakakaka
82) 現在最想做的一件事：打機^^
83) 睡覺前，你通常做什麼：睇書
84) 給你一個願望，你想怎樣：日日都有一個,真到我死(第2日果個就係永遠不死,wakakakaka)
85) 現在幾點了：5:55p.m

    今日我去左覆診，冇返學，我原本只係覆上晝，不過我都唔會返半日，因為上次我返半日，比Miss關罵到我狗血淋頭，雞血淋頭，羊血淋頭，牛血淋頭，貓血淋頭，雀血淋頭，頭頭頭頭頭......所以冇返，不過因為我等左好耐個醫生先叫我，叫我果陣都11點幾la，無奈囉。

    我地終於覆完診la，我地去左食野，食完，我冇地方去，我就返左屋企，我呀ma要去學校聽講座，我自己係屋企打機，wakakakaka，好開心^^。

    跟住都冇咩特別la，唔講la，8。（我又會比胡Q殺死）

    今日英文堂好悶...悶到嘔...冇野做，超無奈...朝早老師suddenly叫人出來囉唔知咩棋既證書，叫左2個人，跟住叫1聲：「劉樞琨...」下???唔係呀話，我諗，我都冇參加個唔知乜棋，跟住老師比左份報紙我，全班立即爆笑，係到勁笑，我自己都笑到透唔到氣，唔知邊個仲話：「嘩，劉樞琨有咁大份證書呀?」

    老師之前報錯料果陣件事E+實現左，聽講座，唔解呀，一定要係我最鍾意果2堂先聽講座，性教育...............又係好悶，之前教過哂la....又係果句：無奈...

    中文堂果陣老師講左個故事，如下：有個人係海邊行下行下，一個浪沖上來，勁多seastar上左來，佢就撿起丟返落海la，跟住又一個浪，又有勁多seastar上左來，佢又丟，不斷循環，有人就笑佢，你救得幾多隻呀，佢就話，救得一隻得一隻ar ma。~完~跟住老師講左一陣書，中途已經叫左好多次某某人（係我唔記得，haha）唔好再講野，跟住老師就話la：「我救得你幾多次叫你唔講野呀。」我就爆左句：「救得一個得一個呀嘛，你話既。」我都講得幾大聲下，唔洗講la，全班爆笑，老師都勁爆笑，我唔單只笑到透唔到氣，我個肚仲笑到勁痛。（笑）

    我同呀湯要留牧童笛嫁ma，我地睇左6樓...冇人...去左3同2樓，同一結果，冇人。我地落哂地下搵呀搵，冇人...同左勁多老師講野，講左好多爆笑野，唔講我地講左咩la。

    我不嬲都去金輪漁港（漁咩港呀，酒樓就酒樓la。）打個電話返屋企，打左之後，我落係樓梯，有個男人問我「你係仁立讀架?」「係呀。」「我以前都係係仁立讀架，@!#@^$%Y^$@%@$&@$%T$@...」up一大堆野，話林護易入好多呀，成績勁過荃彎官立好多呀@$^$@#%$&@$......我路勁up，我懷疑佢係林護做...佢終於up完，我返到屋企...我副黑過包公既黑面出現眼前，跟住一句彈來：「你去左邊度呀??!!??!!」我如實講比我呀ma聽la，佢話我家姐落左去搵我，叫我打返比佢，我打左la，家姐上返來...冇野講...繼續睇TV。我超無奈...點解會咁，撞正果個人，比佢左住左我一大輪，返到去又黑過包公既黑面對住我，算點呀，咁人地講到ｌｏ，唔好意思話唔講架ma...又係我錯，超無奈呀。

    跟住都冇咩特別la，唔講la，今次我都講左好多，打到手抽筋la。好野，胡Q睇到我打左咁多，一定唔會罵我既（wakakaka）。

    我今日返學冇咩特別，只係周xx比左副魔術啤牌我，好好玩架。午餐果陣Miss關報錯料...成級走來走去，件事係咁...午餐果陣Miss關話等間果2堂唔洗上，要落hall聽講座，2個好盡責既風紀就話比A班D風紀聽la，跟著比李主任知道左，李主任都好盡責咁叫哂全個6年級落去la，落到去先發現個講座係聽日既...真係好無奈。

    我今日拎左副新眼鏡la，型好多（嘔）。我放左學之後係屋企睇左一陣電視先去拎新眼鏡，我同ar媽行下行下...聽到身後好把聲好熟，一拎轉頭就見到張文泰老師係後面...同一個唔知係乜名乜姓既老師（女老師）。好意外，係街一次見到2個老師喎，勁。佢地好似...只係好似（唔好爆出去）拍緊拖（個個人見到1男1女都係以為拍緊拖架啦。

    之前冇咩點寫日記，E加寫返，感覺好好。我都寫得唔算多架啦，不過冇咩野寫，唔寫啦，88。

    今日返到學校冇咩特別，只係我唔知點解比人澤名，不過奇怪地我d大條道理竟然有效，老師唔罵我呀?!真係唔知點解。老師放學果陣問我點解小息遲左返，我一味對唔住，呢條屎Q竟然有效，冇罵我，講左幾句就算，好開心。

    我放學果陣又癡左，唔記得留校，真係癡左...（汗）

    我返到屋企冇耐就同家姐大打出手，好耐冇打得咁畫la，為左咩打?唔講la。之後我地都冇事，都好。

    我練左個簽名同胡xx一樣，哈哈哈。我畫得好似。

我又寫得好好好少，我會永不超生嫁...