2006 年 2 月 18 日 星期六?  |  |
|
．．．．．．．．． |
今蕉訓到４點幾先起身，有４個未接電話：阿雄，阿倫，細毛，蕭生
之後起左身打左陣機 羅河就打比我叫我落目倫街個公園，我問佢有咩人，佢就話：蕭生，細ｒａｉｎ，大頭傑，細峰，周少，裝狗，刀桌，阿堯，細毛，波羅包．．．．．．聽哂咁多個人名之後 個人就想落同唔想落之間，之後唔知做乜 冇喇喇熄左部機之後就落左去
落到去佢地冇喇喇就話去打機 之後過左６３打機，今日好叻仔呀Mad Blast依隻歌打到一半先死，之後係６３見到阿貓，阿魚，阿粥，阿粒佢地，打左幾次鼓就走左喇，之後我地返返過去龍達樓搵細毛佢地，之後上到去，見佢地坐哂係到，我同大頭傑同羅河就分開坐，坐坐下冇喇喇見到 阿堯好似留左個位比羅河 之後我咪叫羅河落去坐囉 點知羅河發嬲，話走喎，好喇咁全人類坐哂係到 之後諗野玩喇，我地就係到玩問問題，唔準講大話，一開波大頭傑問雷子樂係咪打完飛機落黎 佢話唔係，之後問問下 阿堯問我，係咪鍾意波羅，之後我個腦停左幾秒 想答又唔想答之間，咁我咪做手語比佢睇 佢又唔明 咁我咪答佢話：有小小囉，之後唔知做咩答完之後唔夠擔正面望波羅喇
玩到悶悶地冇野玩喇 咁就話去舊警察（叔寫）玩，去到果時冇喇喇波羅同細毛唔見左 打比細毛又冇人聽 當時個個人都心諗，佢地一定係到做緊果Ｄ野喇＝０＝哈哈，之後見返細毛 佢話送左波羅去坐車 聽唔到有人打比佢，之後我地過左新浦光打機 冇喇喇我收到電話話叫我去食飯，咁佢地打機 我自己一個人食飯先 之後食完飯我返返去搵佢地，果時返到去有細毛，細峰，刀桌，佢地係到，細峰又玩佢平時最鍾意玩既遊戲操拳之後一開波係刀桌同細毛打 兩個都傷哂 之後就分隊打 我同細峰同細毛一隊 大頭傑同羅河，刀桌一隊 之後大頭傑同羅河兩個圍我，羅河比我踢到係咁叫＝．＝大頭傑依個時候係到偷襲我 食左佢一下 之後再分隊，就我，細峰，羅河．．對細毛，大頭傑，刀桌．．．一開波我就行埋去打大頭傑，同佢１打１ 我踢左佢一下之後細毛冇喇喇衝埋黎請大頭傑食雞翼 之後個個都係到笑，細毛打自己人
咁打完喇 之後上左（魔屎）玩 咁玩果時唔寫咁多喇
玩到差唔多去買野飲 見到ｅｔ佢地 咁子倩拉左我送佢返屋企 之後我自己行返去搵細峰佢地 之後去左網吧打機，玩玩下冇喇喇我又諗起佢喎 之後咪開ｍｓｎ睇下佢訓左未 佢未訓 之後同佢傾左一陣
咁打完機，就咁去左公園仔坐左陣，坐坐下我又諗起佢，唉好仆街呀我自己 人地一齊左 咪祝人地開開心心囉，仲諗乜鳩丫 我覺得好對唔住佢地．．．．．．係佢地之間 根本唔應該有我既出現 對唔住呀~!
|
|
2006-02-19 05:08 PM [ 編輯日誌 ] [ 分享至FACEBOOK ]
 
|
|
| «‹ April 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | |
|
