2006 年 3 月 23 日 星期四?  |  |
|
今日去左探細豪 |
今日阿貓不停地打比我＠＿＠ 係喎 今日去（迫）屋探細豪 起身喇 換３ 整頭 好喇 落去了 唔知做咩係阿貓面前成日都好樣衰－＿＋
最先落去果時塔地鐵 入左張飛落去唔記得拎－＿＋ 唔怪得過左幾下都過唔到喇 之後去到再坐巴士 去緊喇 我同阿貓都有小小緊張 諗唔到去到同細豪講咩好 之後去到 寫完申請表 等叫入去喇 入到去要放低哂所有野 之後放低哂先知 要拎身份証－＿＋ 又樣衰一次喇 好喇 咁等．．．係左係到等 我行左出去睇 見到有人排隊 之後我話：阿貓，要排隊架∼！排左幾秒之後有個阿姐話：依到係比Ｄ屋企人送野入去架 唔係排隊見人架．．．．．．嘩 又樣衰一次－＿＋ 好在阿貓冇跟住我排 唔係比佢罵死－＿＋ 好喇再等 個阿姐話 ２９至３３入去 我跟住行入去 點知阿貓拉住我話 我地係３６呀－＿＋ 嘩－＿＋ 咁都聽錯 死喇 好緊張 好喇等左咁耐入得去喇
第一眼見到細豪 好想喊 佢殘左好多 有有小小鬚 個樣幾好笑，但係我同阿貓都好想喊 但係我地話過 喊先要請食飯 忍喇 之後阿貓同細豪係到傾 阿貓都係咁講Ｄ笑料出黎 細豪都幾開心 之後細豪同我傾 傾返朋友果Ｄ野 我聽見佢把聲好想喊 變哂聲 之後搞到我又想喊 ＞＜ 最尾都眼濕濕行埋一邊等佢流完再去見細豪 傾左咁耐 夠鍾喇，要走喇，細豪同我講話星期６再去探佢 我話好 之後佢同我同阿貓講拜拜 ＞＜佢個純真既樣又出返黎喇 佢同我講拜拜果時 個鼻好酸 又想喊＞，＜ 唔緊要喇 星期６再去過 之後返到黃大仙 同阿貓食野 我諗住叫佢食ｍ記 我請既 阿貓又話要去藍天使－＿＋ 去到坐低叫野食 一開始黎錯野－＿＋ 之後等勁耐先有得食 食完上左阿貓屋企－＿＋ io之後同佢過左新光打機＠＿＠原來阿貓都鍾意打鼓 之後打左陣阿粒同佢條仔黎左 我同佢條仔打拳皇 輸左一場 之後ｗｉｎ３場 －＿＋ 之後佢地去左唱ｋ 我自己走左返屋企
|
|
2006-03-23 05:55 PM [ 編輯日誌 ] [ 分享至FACEBOOK ]
 
|
|
| «‹ June 2015 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
