今日一條友由井欄樹出發 行衛亦訊徑4段
由於我行山唔會定路線 所以我就隨意甘行
行D正常唔會有人行既路
行行下肚餓 就行左落山
係7仔買左三文治食 之後又上返山~_~
跟住唔知點解 行左去獅子會個個地質公園個度
補充完一支水既份量之後
甘我就繼續行啦 行去左蕉坑個邊
又係見路就行 去左三星灣~_~
三星灣呢 叫做一個幾靚既沙灘
不過我去到 先發現原來係無車出返去西貢
又或者係我搵唔到啦~_~
甘我就沿舊路行返出去地質公園個度
再出返去西貢公路答的士返黃大仙
呢次行左8個鐘 認真既 係好赲 隻腳又麻又卑
不過真的好爽
西貢呢 環境真係好正
有山有海有車位 而且D獨立屋係唔錯
不過麻煩在出入一定要揸車
下星期日 又唔知行邊好~_~
香港好多山都已經行過哂 無咩新鮮感
 隻蜘蛛有我半隻手掌甘大
|
