好耐之前
有一個美容公司既sale打黎 同我sell美容
甘我個陣唔識點拒絕人 甘就應承左參加個個99蚊既美容計劃
個次係我人生第一次去美容院 亦都係一個教訓既開始
個間野係旺角 叫beauty plus
其實間美容公司 個個女職員都係靚女 環境又唔差 俾我既感覺係非常好
填左份FORM 之後入去房度等美容師 
間房大概百幾呎 個窗望到朗豪坊 播D非常舒服既歌 令人感覺係好輕鬆
非常認真 個美容師係真係好靚女
係同我做緊美容既同時 佢就同我閒話家常啦 傾好多好多既野
個種感覺 真係令人好舒服 
不過到最後 佢就叫我JOIN D PLAN
定時上黎做下美容 其實個價錢都唔算貴既 
幾百蚊一次 加上個陣 我張白金卡又有好多簽帳額

不過後來 每次上去 佢都SALE我好多PLAN
慢慢 我簽左好多PLAN 幾千蚊一次療程
好多 好多我都唔知係咩黎
其實 我個陣 只係想幫個女仔做到D數
不過到最後 我都係決定唔再去呢間野
因為我真係唔識拒絕一個靚女向我SALE野...
扔左差唔多10萬落去...

其實間野真係俾到親切感我
我由第一次去GEL哂頭 裝到好整齊
到慢慢戴帽踢拖 都已經係習以為常

後來 我去左唔同既美容院試
dream beauty pro
光學美容
仲有2間唔記得左名
前前後後 都用左接近廿萬
由一開始99蚊 到最後廿萬
感覺上真係好on9

自問 我唔覺得我塊面有咩點變好過
可能因為我食煙飲酒又夜訓既關係
到依家 我已經block哂所有交哂錢既美容公司
因為之前不停打黎話仲好多療程未做 真係好煩

我塊面有處位置 係細個個陣燒傷 留底左一達疤痕
其實去做美容個陣 我都試過整走達疤痕
但係個針真係好痛 6千一次針 3千專用麻醉
前後我整左2次 係好左少少
但係針完之後成個星期 塊疤痕係超紅
搞到我完全唔想再做呢個療程
加上個價錢貴到離譜 一萬一次
所以 我同自己講過 依後都唔會再去做FACIAL

之後有次行經旺角
係街上面 俾個靚女SALE拉左去california
本身我又係對健身無興趣
但佢令左我張銀行卡走
就甘 我又簽左18個月既數...
每個月千幾 但其實我正係上過去3次
第1次係俾佢拉上去 第2次係認真想試下 第3次純交會費之後走人
之後15個月都無上過去...
其實我真係懶得去 我寧願去行山好過
到最後 間野寄左律師信 向我追討欠交既會費 手續費 律師費
我見到封信個陣 真心講左句粗口...
正仆街黎