我現在有一份兼職 在地產鋪入面工作
每天工作4小時 然後下班 紅日例假
其實可以話係無咩野做
每天上下網 飲下水 甘就收工
不過都勝過以前每日係屋企打機既日子
之前過左差唔多4個月 係屋企打機 2,3日行一次山既日子
每日就係落街食和亭 大家樂 itamomo 老麥
日子其實非常毒 非常宅
所以我先想搵返工 消磨下時間

每日望見鋪頭外面D人行黎行去
每到d學校放學既時間 我都好懷念我曾經中學既日子
可惜 我中學時期 可以話係無咩朋友(已沒有任何有聯絡的同學)
每日食飯 返學放學 都係得我自己一個
個陣每日得20幾蚊食飯 餐餐都係食撈面 甚至係圖書館度過
可以話係我人生中最慘既日子 但個陣我好快樂
因為個陣 我有真心愛過既女仔 會陪我SMS
可惜既 係我唔識珍惜 個陣既我唔夠成熟 錯過左好多野

我既職業 可以話係一份非主流工作
從事博彩分析 有賭既地方 就有我生存既空間
我讀過好多書 但無一本書可以教我致富
唯有一本書 我視之盤經 可以令我出人頭地
從此踏入上流階層 但卻不能令我為它而驕傲
因為無人會當博彩係一份工作
在外人眼中 我就係一個爛賭仔 有一日 我可能會輸到跳樓
但你地可能唔知 我曾經都輸到一無所有
輸到差人好多錢 對於個陣既我黎講 人生可以話係無希望
無朋友 無親人 無愛人 全世界 唯一可以幫我既 就係係波盤度重新振作
成則坐擁天下 敗則一無所有 所以我肯博 橫店我咩都無哂
但我博得黎 我好理智 我肯去學 肯去研究

我身邊有一個我認識的盤手
讀到大三 精算系
就退左學 因為佢發現讀再多書 都唔可以致富 頂多都只可以由低層做上去
所以佢去左做職業盤手 佢靠博彩賺左佢第一桶金 
據我所知 佢依家既身家已經有8位數字 住既係幾千呎既獨立屋 
我未去到佢甘既層次 但我仍在繼續努力
為既就係白手興家

男人係絕對唔可以窮 作為男人 絕對要擔起一片天