23號 朝早7點半機 EVA AIR既機
話說今次係我第一次搭飛機
加上我本人係畏高~_~
結果起飛個陣 係勁緊張
飛機餐麻麻地
不過D空姐全部都係台妹 好靚女
落機之後 到左桃園機場
不過由於捷運未起好 只好搭公車
不過我地4條友都係唔識搭~_~ MISS左一班車都唔知

住就住起板橋區府中捷運附近 交通係非常方便
住宿方面相當唔錯 住起頂樓 基本上無咩建築高得過呢度
但個景觀只係D低層鐵皮屋 舊樓個D 其實感覺上同大陸無咩分別
話說我地BOOK左2間雙人房 我個間房好大 
有浴江 有桑拿房 有露台
而且每個人訓既都係雙人床 又大又舒服
我地住個度 包早餐 係自助形式
不過每日既早餐都一樣~_~

第一日 我地去完一間意式餐廳食完野
間野好平 200幾蚊台幣(約50蚊港幣) 主餐 餐湯 甜品 飲品(可以添一杯)
重點係 服務務質素非常好 我個人就覺得至少值200蚊港幣
食完之後 我就一條友返左酒店訓教 因為我實在太累
訓醒之後 班友仔都返黎 我地就去左板橋區既夜市
好多野食~_~ 感覺非常良好 而且超級平

之後 我地去左 台北車站 中山 西門町 三重 松光 基隆 九份 101
不過夜晚 基本上都係係酒店房入面賭錢
鋤大D 1蚊隻
有次去唱K 連埋3男1女(台灣FD)
其中有一個男既係GAY 叫美美
勁林我一個FD ~_~ 真係好好笑

其中一日 台風杜鵑吹台北 結果就成日係酒店度賭錢~_~
仲要台風黎左之後 成日係度落雨
搞到我都唔想出街 正係想留係酒店訓教

重點!!
台妹真係好索好正 條裙條褲都勁短
而且好有禮貌 而且把聲好嗲
特別係西門町 女神集中地@@
搞到我想住係台灣 多過住係香港
不過有樣差 就係空氣質素好差
難怪甘多女仔都戴口罩

30號晚就返左香港
落機個陣已經係晚上12點