我晚晚都會落樓下 坐係個無人既地方飲酒
寧靜既感覺真係好舒服
亦都係好孤單
想搵人傾計 但側邊只有盒煙同罐藍妹
whatsapp有好多個聯絡人
但熟既又真係好少...
即使熟 佢都未必會覆我
而我又唔知搵佢傾D咩好
其實 我好怕無拉拉打電話俾人
因為我聽到留意信箱就會好灰
有時 有朋友打俾我 我會好開心
就算第日要返730 我都肯同佢傾到6點幾
辛苦係辛苦 但真係好難先會有人搵我
所以我唔想錯過難得一次既電話粥
我想搵你架 但我唔知點開口好
感覺上 我會覺得你係會厭我煩
而且都唔會覆我...
所以 我真係唔夠膽去whatsapp你 同打俾你
你既事 我真係一無所知
因為我地無共同朋友
我唔知我可以同你講D咩
我又唔知你係米想我搵你
我正係知我真係好寂寞
我好鐘意飲牛奶
疲倦既身體會回覆少許既體力
而且味道真係好特別
有時 我會一路飲酒 一路飲奶
一路smoke 一路飲奶
我試過一日飲成10盒 真係傻左...
D人好多都話我未戒奶
其實 我只係想高D 先飲甘多牛奶...
我170 真係好矮
見到D高過我既女仔 又或者著左高跟鞋既女仔
我真係好傷自尊心
我人生無咩目標
曾經有過既目標 都已經灰飛煙滅
我只係想靜靜甘來 靜靜甘去
可能某日 會無啦啦卒死
又或者6 落山 跌死
不過呢D都係個天決定
我最對唔住既 就係我阿爸阿媽
我同阿爸已經係同陌生人無分別
我知佢同我一樣好寂寞 每日正係訓教 落樓坐 睇電視
但我已經同佢永遠都無可能再好似細個甘親密
如果你有一日走左 我可能真係會喊 可能會後悔
但都已經無所謂拉 習慣了就不要改變
我阿媽係好錫我 但係我真係唔鐘意佢煩我
我唔係D咩群腳仔 我中學個陣無錢食飯
我寧願捱餓 都唔想問佢拎一分一毫
我既事 佢永遠唔會知
因為我從來唔會同佢講
中學個陣 佢同我講 默書測驗有80分以上 可以問佢拎廿蚊
其實我唔溫書 基本上都會有80幾甚至90
科科都好好 除左英文
但我從來都無俾佢簽過名 永遠都係自己簽
因為我唔想拎佢錢 我覺得係一種可憐既感覺
我從來唔需要任何人可憐
就連報考試 個幾千蚊 全部都係我自己出哂
我好憎佢同人講我我D野
所以我永遠唔會俾佢知道我既野
我知佢做野辛苦 所以我更加唔想佢理我
晚晚 佢都會叫我早D沖涼 唔好甘夜訓
但我從來無應過佢
因為我一應佢 佢就會打蛇隨棍上 問埋我其他既野
叫我好好讀書 唔好成日瓜住上網
之後講成幾個字
但隨住我唔理佢 佢都漸漸唔再理我
我依家一返到屋企 其實已經剩返部電腦張床同天花板
無親人 無咩朋友 咩都無
我已經唔想留係個屋企 我先成日落樓下吹風
惡性循環...真係自作孽 不可活
我唔係一個孝順仔
我只係一個無用既人
|
